KUCHING: Pekara ti tusah dijapai ungkup Sarawak nyapai 80 peratus peranak nengeri tu bulih vaksin sebedau Pengawa Bepilih Nengeri (PRN) ti deka dipejalai pengudah 1 Ogos tu, ku Menteri Kereja Raya Dato Sri Fadillah Yusof.
Taja pia iya nyemetak madahka PRN endang deka dipejalai nyema agi kurang ari 80 peratus rayat Sarawak udah nerima vaksin COVID-19 laban ungkup penggal Kunsil Nengeri (DUN) deka tembu kena bulan Jun, lalu tu udah dilanjar ngagai sebedau tu ke 1 Ogos ketegal ti udah ditukuka ‘Darurat’ tauka tasah politik.
“Lebuh Menteri Besai Tan Sri Muhyiddin Yassin datai ke Sarawak bedau lama ti udah, siti pekara ti dikerandau iya nya deka nentuka Sarawak dikemeratka dulu sentang pengawa meri vaksin.
“Kebuah tu mih endang berat ungkup nengeri tu nyapai juluk 80 peratus rayat Sarawak ti udah diberi vaksin kena bulan Ogos tu, nyema enda, kitai deka betapi enggau risiko (ngelekaika COVID-19) lebuh pengawa bepilih tu ila,” ku iya.
Fadillah madah munyi nya lebuh ti bejaku ba program ‘Prihatin Malaysia’ ti diatur ba Kompleks CIDB ba Jalan Sultan Tengah ditu, kilah ensana.
Maya aum media nya, iya sekali agi nyemetak madahka Sarawak nadai ngembuan pilih bukai kelimpah ari ngatur pengawa bepilih baka ti udah dipadahka dalam konstitusyen nengeri.
Nitih ku konstitusyen nya, penggal diatu deka abis kena 6 Jun taun tu - pengudah nya pengawa bepilih mesti digaga dalam timpuh 60 hari.
Bekaul program nya, iya madahka tu diatur iya nya kena meri penerang ti pemadu baru bekaul pandemik COVID-19 lalu bakani perintah ngatur rayat enggau meransang sida ngerejista kena ngulihka vaksin tu ti endang agi kurang di Malaysia.
“Nyema kitai deka mujur nagang ngelaban igi penyakit tu, bisi dua chara luar (fizikal) ti dikena rayat kena ngasika prosedur operasyen standard (SOP) iya nya baka ngena sengkabung idung enggau nyaawa lalu ngemeranka pemeresi ti manah; lalu chara dalam iya nya enggau ngambi vaksin,” ku iya maya aum media lebuh program nya.