Anda di sini

Feri Nanga Tulie deka meri pengelantang ngagai peranak di Pelagus, ku Wilson

Advertisement
 Wilson enggau temuai dipebasa ke bukai bejadika pengawa Miri beserimbai enggau Majlis Pandu Uji Feri Nanga Tulie, kemari. — Gambar JaPEN
SIMBOLIK: Wilson enggau temuai dipebasa ke bukai bejadika pengawa Miri beserimbai enggau Majlis Pandu Uji Feri Nanga Tulie, kemari. — Gambar JaPEN

KAPIT: Feri Nanga Tulie deka nyadi penampak baru sentang perengkaguna peranak di kandang menua Pelagus.

Pengawa Miring Majlis Pandu Uji Feri Nanga Tulie udah dipenyadi Kaban Kunsil Nengeri (ADUN) Pelagus Wilson Nyabong ba Tebing Sungai Batang Rejang, Logpond WTK, Nanga Amang, ditu kemari.

Tuju keterubah pengawa nguji deriba feri nya digaga kena nentuka tikas pengulih feri nya nengah Sungai Batang Rejang ke lalu ulih meri raban ngatur projek nya sereta operator feri ngelangkar singkang ti nangkanka tu dalam nembuka projek nya.

Wilson dalamm jaku iya madahka nyadi ADUN Pelagus, iya enggau perintah nengeri komited dalam ngangkatka pemansang infrastruktur di sitak DUN Pelagus.

Nitih ku iya, bisi RM280 juta udah dikemendar ari baruh agih belanja Opis Menteri Pemansang Menua Pesisir enggau Kandang Menua (KKLW) kena ngaga jalai ari Nanga Tulie ke Merit.

Ku iya, servis feri enggau enda pan mesti bejalaika operasyen sementara pengawa ngaga jematan ti deka dipejalaika jemah ila.

Ku iya, dua buah servis feri dilangkar lalu deka diguna di Nanga Tulie Pelagus enggau Sungai Melapis, Bukit Goram.

Sama bisi maya nya, ADUN Bukit Goram Jafferson Jamit Unyat, pengari Residen Wee Teck Min enggau Pemesai Opis Pelilih Kapit Cerisologo Sabut.

Advertisement