BINTANGOR: Bisi 12 penerima ti datai ari Komiti Pemansang enggau Pengelikun Genturung Pendiau (JKKK) genturung pendiau enggau rumah panjai sereta kelab udah nerima geran Projek Mit Menua Pesisir (MRP) sepenyampau RM47,000 ari Kaban Kunsil Nengeri (ADUN) Daro Safiee Ahmad bedau lama ti udah.
Penerima geran tu iya nya JKKK Kampung Salleh, Teluk Batu enggau geran sepenyampau RM4,000, JKKK Rumah Benet Imang, Bukit Papit Baru (RM4,000), JKKK Rumah Mansor, Teluk Batu (RM4,000), JKKK Rumah Tigong, Teluk Batu (RM4,000), JKKK Rumah Boniface, Teluk Batu (RM4,000), JKKK Rumah David Pau, Teluk Batu (RM4,000), JKKK Rumah Jackson, Teluk Batu (RM4,000), JKKK Rumah Panjang, Bukit Papit (RM4,000), JKKK Rumah Rentap, Teluk Batu (RM4,000),
JKKK Rumah Anthony Empati (RM4,000), JKKK Kampung Muara Lebaan Bintangor (RM4,000) sereta Kelab Opis Betanam Betupi Pelilih Menua Meradong (RM3,000).
Maya pengerami nyuaka geran nya ti diatur ba Bilik Aum Opis Pelilih Menua Meradong ditu, Safiee ngarapka MRP nya ulih dikena memanah ungkup pemansang komiti rumah panjai sereta genturung pendiau lalu pia mega kelab sida empu.
Dulu ari nya, bisi mega diatur iya nya Aum Matau Pengawa Ngatur enggau Bejalaika Program Transformasyen Menua Pesisir (RTP) Taun 2021.
Maya aum nya, Safiee ngenang tanggungpengawa ejensi ti bejalaika projek ke seruran nentuka projek RTP dipejalaika enggau manah nitihka timpuh ke udah ditetapka.
Entara ejensi ti bejalaika pengawa ti datai ba aum tu iya nya Opis Pelilih Menua Meradong, JKR Bagi Menua Sarikei, Opis Kaunsil Pelilih Menua Maradong enggau Julau (MDMJ), Opis Parit enggau Entali Ai (JPPS) Bagi Menua Sarikei sereta SESCO Sarikei.
Sama datai iya nya Pemesai Pelilih Menua Meradong Baijuri Bidin, Injinir Perintah JKR Bagi Menua Sarikei Toh Chee Leong, Pemesai Opis Betanam Betupi Pelilih Menua Meradong Tahir Dullah enggau ketuai komuniti di kandang menua nya.