Anda di sini

Tangki ai ti jai di loji Limpaku Pinang patut diangkatmanah sereta diseruri

Advertisement
 (Ari tiga kiri) Superi enggau Hasbi sereta bala bukai lebuh ti ngabas palan meresi ai Kampung Limpaku Pinang, Limbang, bedau lama ti udah.
NGANGKATMANAH: (Ari tiga kiri) Superi enggau Hasbi sereta bala bukai lebuh ti ngabas palan meresi ai Kampung Limpaku Pinang, Limbang, bedau lama ti udah.

LIMBANG: Perintah nengeri nengah Opis Bekal Ai Menua Pesisir (JBALB) dipinta ngangkatmanah tujuh agi tangki ai ke udah jai di palan meresi ai Kampung Limpaku Pinang kena nentuka penanggul bekal ai ti tekeruga di genturung pendiau nya enda agi terus nyadi.

Sapit Menteri Perengka Pengangkut Datuk Hasbi Habibollah madah, semina dua tangki ti nangkup bekal ai ungkup genturung pedniau ba tebing tasik nya benung diseruri opis tu.

Ku iya nerang, sistem loji meresi bekal ai di genturung pendiau nya ukai projek baru tang udah berengkah ba taun 2010 kena ngaga tangki ai tikas tinggi lalu sistem meresi ngena klorin ti diidupka ngena kuasa sistem solar.

“Penanggul ti ditapi diatu iya nya ngaul pengerusak tujuh agi tangki ti dikena nimbun pun pemisi ai kena nangkup guna peranak di kandang menua nya.

“Tinda udah dibuka ungkup kunteriktor ngemanahka baru utai ti jai ke ngaul semina dua tangki ai,” ku iya lebuh ti ditanya maya ngelawa ke palan meresi ai ba Kampung Limpaku Pinang bedau lama ti udah.

Sama nyempulang iya nya Pemesai Opis Pelilih Menua Limbang Superi Awang Said enggau Ketuai Genturung Pendiau Simatziman Sapar.

Kaban Parlimen Limbang nya mega madah baru, berindik ari nya perintah nengeri nengah JBALB patut ngangkatmanah tujuh agi tangki ai ke dikena di genturung pendiau nya.

Ku iya nerang, Limpaku Pinang tu ngembuan potensial nyadi produk dagang temuai domestik di pelilih menua tu.

Pengandal tu mega udah dipadahka Menteri Dagang Temuai, Seni enggau Main Asal (MOTAC) Datuk Seri Nancy Shukri lebuh ti ngelawa ke Limbang kena bulan Mac nyin tadi.

Kelimpah ari ti nyendiaka pemanah rampa menua enggau aktiviti ninting hari orang berikan ari peranak di kandang menua tu, Kampung Limpaku Pinang bisi potensial ti tinggi nyadi sebagi ari produk dagang temuai bepelasarka endur nya ti strategik di Kuala Limbang iya nya ba kandang enudur Teluk Brunei.

U Hasbi madah, mayuh agi proje pemansang dipejalaika di genturung pendiau nya kelebih agi nengah Ejensi Pemansang Kandang Menua Utara (NRDA) ti nyambungka genturung pendiau nya enggau Kampung Bulantak ti diatu semina nengah jalai sungai ti bisi 30 minit penyauh.

Advertisement