Anda di sini

Pasar Malam Sibu deka dibuka baru kena 9 April

Advertisement
 Pengudah ke ditutup kenyau ari 16 Januari, Pasar Malam Sibu deka dibuka baru kena Hari Lima tu.
DIBUKA SARU: Pengudah ke ditutup kenyau ari 16 Januari, Pasar Malam Sibu deka dibuka baru kena Hari Lima tu.

SIBU: Pasar Malam Sibu di Butterfly Garden ditu deka dibuka kena 9 April (Hari Lima) tu.

Chairman Komiti Mendam Orsng Dagang enggau Pedaja Mit  Pasar Sentral Opis Kaunsil Sibu (MPS) Kunsilor Albert Tiang madah, perambu muka baru pasar malam nya dipadahka ngagai Komiti Mutarka Penusah Ngenyit Nengeri Sarawak (JPBNS).

Sebedau tu, pasar nya ditutup kenyau ari 16 Januari ketegal pengawa neritka Atur Nagang Pemindah (PKP) kena nagang pengelekai igi penyakit COVID-19.

“Kelimpah JPBNS, Komiti Mutarka Penusah Ngenyit Bagi Menua Sibu (JPBBS) betuaika Dr Annuar Rapaee, mega bisi dipadahka sentang pekara nya,” ku iya ditu kemari.  

Ku Albert, semua 164 iku orang dagang bapasar malam nya beroperasyen nengah chara begintir kena ngurangka penedat ba palan nya.  

Ku iya, mensia mayuh ke datai kia mesti ngerejista diri ngena aplikasyen MySejahtera tauka rikod manual kelimpah meresa bacha pengangat tubuh sebedau dikemendarka tama ngagai pasar nya.

“Semua orang ke bejual enggau bansal ti beroperasyen di bazar Ramadan mesti beperesa COVID-19 ti diatur di Dataran Sibu Fasa 1, kena Hari Tiga (sehari tu) ari pukul 9 pagi nyentuk 1 ngalih hari.

Ku iya, tu sekeda ari penetap ti ditetapka ba orang ti bejual kena ngelaban COVID-19, kelimpah nentuka mensia ke bebeli barang selamat.

Pasar Malam Sibu beroperasyen ari pukul 6 petang nyentuk10 malam ninting hari.

Advertisement