Anda di sini

SOP PKP ba rumah panjai di Sungai Arip, Bawang, Tau enggau Anak diteritka agi kena nagang pengelekai COVID-19

Advertisement
PENGHULU LASIT BAJIENG
PENGHULU LASIT BAJIENG

TATAU: Peranak ba rumah panjai ba kandang menua Sungai Arip, Bawang, Tau enggau Anak ari baruh pegai pelilih menua Selangau deka terus diteritka ngena prosedur operasyen standard (SOP) maya Atur Nagang Pemindah (PKP) kena nagang kes COVID-19 berampit ti bisi ngayanka penambah.

Ketuai Raban Bansa (KM), Penghulu Lasit Bajieng madah, penambah kes tu amat ngirauka lebih agi bisi nyadi ba rumah panjai enggau kandang menua pesisir.

Ku iya, tiap Komiti Pemansang enggau Pengelikun Genturung Pendiau (JKKK) rumah panjai beratka pengelikun enggau pengerai peranak ngambika enda kena rampit igi penyakit ti ngeruga pengerai .

“Kena ngenegapka tu kitai ngarapa peranak rumah panjai ba kandang menua tu enda ke mengeri enti nadai pengawa berat diatur enggau dalam timpuh ke diatu orang luar mega enda dikemendarka tama ke kandang rumah panjai tu,” ku iya kemari.

Iya mega ngingatka peranak ti ba mengeri ngambika enda pulai ke rumah panjai enti nadai pekara berat diatur.

“Taja pan nyentuk diatu nadai kes COVID-19 nyadi ba kandang menua tu tang peranak dipinta nitihka semua SOP ti ditetapka Opis Menteri Pengerai Malaysia (KKM) baka nyaga takah fizikal, suah nuchi jari enggau ngena sengkabung idung enggau mulut,” ku iya.

Nambahka nya, kitai patut bekerejasama ngentuka pengelekai igi penyakit tu sereta beterima kasih ngagai semua terabai menua(barisan hadapan)ti gawa enda ngira pengelelak nagang igi penyakit tu.

Berebak enggau tu, sekeda rumah panjai ngentakka par (papan tanda) nagang orang luar tama ke kandang rumah panjai entara iya JKKK Kepayang Jaya, Sungai Arip, Selangau.

Rumah panjai ti bisi sambung internet mega ngena aplikasyen MySejahtera entara nya ba Rumah Dicka Anthony, Sungai Anak, Selangau.

Advertisement