Anda di sini

Pakej Bantu PERMAI: Perintah majak mantu rayat

Advertisement
FATIMAH
FATIMAH

KUCHING: Pakej Bantu Perlindungan Ekonomi dan Rakyat Malaysia (PERMAI) ti dibantaika Menteri mandangka perintah majak meri bantu sereta enda besiping ati ati enggau rayat.

Menteri Pengelantang Pendiau Komuniti, Orang Indu, Ruang Bilik enggau Pemansang Anak Mit Dato Sri Fatimah Abdullah madah, taja pan bajet menua defisit, tang perintah tetap beratka pengelantang enggau pengingin rayat.

“Ari baruh Pakej Bantu PERMAI tu, perintah udah ngerintaika sekeda inisiatif. Entara nya nambahka penyampau bantu pengelantang pendiau ninting bulan Opis Pengelantang Raban Bansa (JKM), bejalaika Program ‘Bakul Pemakai’ enggau meri bantu komuniti nyengkaum ngagai raban orang lunggar umur, orang ti nadai nadai rumah alai diau, Orang Nyelai Pendiau (OKU) ke tasah ampuh bah.

“Semua inisiatif tu nyata mandangka perintah beratka rayat sereta nyaga pengelantang pendiau sida,” ku iya lebuh ke dirandau Utusan Borneo kemari.

Ku Fatimah, opis menteri iya meri terima kasih ngagai Perintah Besai ketegal insiatif ti diberi kena mantu rayat ti napi pemar ketegal COVID-19.

Ku iya, penerima bantu ninting bulan JKM Sarawak naka ke diatu bisi 52,785 iku iya nya raban orang nyelai pendiau (OKU) nadai bekereja, orang lunggar umur, orang ke gegaring sakit raya, penerima bantu anak mit enggau elawin pengereja pengawa.

Bekaul Program Bakul Pemakai ti dipejalaika nengah JKM ungkup ruang bilik ti patut nerima, Fatimah madahka bantu dikearapka ulih ngelempungka tating sida.  

“Nya tentu deka mantu nentuka bisi pemakai ba atas mija ungkup sida sebilik sereta ngelempungka tating pengidup sida kelebih ba maya ke mar diatu,” ku iya.

Berebak enggau nya, Menteri Besai Tan Sri Muhyiddin Yassin lebuh ti mantaika khas Pakej Bantu PERMAI kena Hari Satu,m adahka perintah nambahka penyampau bantu pengelantang pendiau ninting bulan nengah JKM berrengkah ari bulan Januari 2021.

Ku Muhyiddin, bantu pengelantang pendiau nya mungkur ungkup belanja sepenyampau RM2.2 bilion sereta deka meri pemaik ngagai lebih 400,000 iku penerima.

Ku iya, JKM mega deka jampat bejlaika Program Bakul Pemakai ti mungkur barang pemakai ke beungkus RM100 ungkup tetiap ruang bilik ke patut nerima, ngena ungkup belanja sepnyampau RM50 juta.

“Kelimpah ari nya, kena nentuka pengelantang pendiau raban nya majak diintu, perintah deka ngungkupka RM25 juta ari baruh program GLIC/GLC Disaster Relief Network ti nyadi inisiatif sosial.

“Tu nyengkaum bantu komuniti ti diberi ke mungkur raban orang lunggar umur,nadai rumah alai diau, OKU enggau tasah ampuh bah,” ku iya.

Advertisement