Anda di sini

Pengajar ari Semenanjung muji chara Perintah Sarawak ti ngenahka sida enggau manah

Advertisement
 bala pengajar ke datai ari Semenanjung diperasa dokumenenggau tikas pengangat tubuh sebedau dibai ngagai hotel ngambika dikuarantin pengelama10 hari.
NGASIKA SOP: bala pengajar ke datai ari Semenanjung diperasa dokumenenggau tikas pengangat tubuh sebedau dibai ngagai hotel ngambika dikuarantin pengelama10 hari.

MIRI: Bala pengajar ari Semenanjung Malaysia ti mulaika diri ke Sarawak beserimbai enggau pengawa muka baru  sesi besekula 2021 kena 20 Januari tu, muji chara Perintah  Sarawak ti ngenahka sida enggau manah.

Suraya Harun, 35, ari Terengganu, perintah nengeri udah engkah semua pengajar nya ba hotel ngambika dikuarantin pengelama 10 hari.

“Enggau ati lurus aku meri erima kasih ngagai pengawa enggau chara Perintah Sarawak ti ngenahka bala pengajar ari Semenanjung, kami diengkah ba hotel manah lalu   ditanggung magang Perintah Sarawak,” ku iya lebuh di randau Utusan Borneo ditu, kemari.

Ku Suraya, tu keterubah endar iya dikuarantin ba hotel enti dibandingka enggau di rumah sebedau tu.

“Maya kami agi dikuarantin pengelama 10 hari ba hotel kami deka diperesa pengerai, nyema pemutus negatif kami dikemenndarka pulai sereta dikuarantin empat hari agi di rumah,” ku iya.

Suraya ti udah semilan tahun ngajar di Sarawak sereta landik bejaku Sarawak, nyata nadai penanggul nitihka prosedur operasiyenstandard (SOP) tama ke Sarawak.

“Kita meretika tuju Perintah Sarawak meri penetap ke terit ngagai penama ari Semenanjung ke Sarawak lanban kena nagang pengelekai pandemik COVID-19.

“Kami ke nyadi pengajar mega meri terima kasih ngagai perintah nengeri laban udah nanggung magang ungkus kuarantin di hotel ti lalu ngelempungka tating bala pengajar,” ku iya.

Suraya mega nyeritaka peneleba iya keterubah baru datai ba Padang Bilun  Miri ti disempulang bala polis enggau ejensi penerit adat bukai ngagai hotel alai iya diau.

“Taja pan nyata dipeda ba mua bala terabai menua nya lelak gawa, tang sida tetap manah ngenahka bala pengawa ti mesti dikuarantin nya,” ku iya.

Tambah iya, gaya COVID-19 di Sarawak jauh bebida enggau di Semenanjung kelebih agi perengkaguna pengerai baka sepital, perengka pengangkut enggau ke bukai.

“Nyema COVID-19 ngelekai ngagai kandang menua di ulu entigis, endang mar deka mutarka orang ke sakit di menua pesisir laban nadai sepital, penyauh enggau ungkus perengka pengangkut mega mar.

“Ketegal nya kami ke nyadi pengajar ngasika pinta penetap perintah nengeri laban nya endang kena nagang COVID-19 ari majak ngelekai,” ku iya.

Suraya meri jaku tangkan ngagai pengereja pengawa perintah  di nengeri Sarawak ngambika nerima semua atur ti udah ditetapka nya enggau manah.

Iya udah dikuarantin pengelama dua hari kenyau dati di Miri, berasai gagit ati deka ngajar baru nitihka SOP ti ditetapka Opis Menteri Pelajar Malaysia.

Advertisement