Anda di sini

11,442 ditangkap salahnguna dadah, substance di Sarawak

Advertisement
 Harden ba aum pengarang berita Ripot Ninting Bulan OSC Ungkup MIDS Negeri Sarawak Bil. 1/202 seraya disempulang Rashidah (kanan) enggau Wong ditu, kemari. — Gambar JaPen
AUM PENGARANG BERITA: Harden ba aum pengarang berita Ripot Ninting Bulan OSC Ungkup MIDS Negeri Sarawak Bil. 1/202 seraya disempulang Rashidah (kanan) enggau Wong ditu, kemari. — Gambar JaPen

KUCHING: Sepemanjai taun 2020, Sarawak ngerikodka sepenyampau 11,442 ditangkap bekaul enggau akiviti salahnguna dadah enggau substance.

Menteri Muda Pengelantang Pendiau Raban Bansa Datuk Francis Harden madah, penyampau ditangkap nya (11,442) asil ari 6,892 operasyen ti dipejalaika Polis DiRaja Malaysia nengah Opis Nasat Penyalah Narkotik PDRM, Opis Kastam DiRaja Malaysia enggau Agensi Anti Dadah Kebangsaan ( AADK) NeNgeri Sarawak.

“Ari penyampau nya, Pelilih Menua Kuching ngerikod penyampau ke ditangkap pemadu mayuh iya nya 3,679  (32.15 peratus); ditangkan Pelilih Menua Miri (1,198  tauka 10.47 peratus); Pelilih Menua Bintulu (1,060 tauka 9.26 peratus): Pelilih Menua Sibu (922 tauka 8.06 peratus) enggau Pelilih Menua Samarahan bisi 606 ke ditangkap tauka 5.30 peratus,” ku iya.

Harden mansutka pekara nya ba aum pengarang berita Ripot Ninting Bulan Onestop Committee (OSC) Mutarka Isu Dadah enggau Substance (MIDS) Nengeri Sarawak Bil. 1/202 ditu, kemari.

Nambahka nya lebuh ngenang Statistik Atur Koreksional, Harden madah, sepemanjai taun 2020 bisi 945 iku orang dijil di Sarawak dijil laban mayuh penyalah bekaul enggau aktiviti salahnguna dadah enggau substance.

“Penyampau tu nurun ngagai 25.94 peratus dibandingka enggau taun 2019 (1,276 iku).

“Ba Sekula Henry Gurney, bisi 21 iku ke nguan palan nya di Sarawak dijil laban mayuh penyalah bekaul aktiviti salahnguna dadah enggau substance sepemanjai taun 2020. Penyampau tu nurun 16 peratus dibandingka taun 2019 (25 iku),” ku iya.

Kelimpah ari nya, ngeripotka pasal operasyen/intervensyen Begulai Isu Dadah enggau Substance (OBID) OSC Ungkup MIDS ba renggat pelilih menua, ku iya, bisi 19 siri program udah dipejalaika ba Sarawak sepemanjai bulan Disember 2020.

Ari penyampau nya, ku iya, bisi empat program iya nya intervensyen ti dipejalaika nengah neritka adat begulai enggau 15 siri program intervensyen ukai neritka adat ti nyengkaum 11 program dalam komuniti enggau empat (4) program ba endur kereja.

Sepemanjai taun 2020 bisi 127 siri program OBID udah dipejalaika OSC MIDS Pelilih Menua ba Sarawal, ti nganyanka penambah sepenyampau 27 peratus dibandingka enggau tauna 2019 bisi 100 siri program.

Ba taun 2020, semua 40 pelilih menua ba Sarawak udah numbuhak OSC MIDS Pelilih Menua.

“Enggau penumbuh OSC ba semua pelilih menua ba Sarawak, operasyen enggau intervensyen begulai ti mungkur kaban ari mayuh bengkah ejensi penerita adat enggau ukai penerit adat; NGO enggau komuniti dalam kandang endur nya deka chakah agi ba taun 2021 nengah chara baru enggau SOP ti benung dipejalaika.

“KPI minimun ti ditetapka ungkup operasyen enggau intervensyen diatur OSC MIDS Pelilih Menua ba taun 2021 iya nya ambis kurang empat program setaun tauka 160 program setaun ba semua pelilih menua di Sarawak,” ku iya.

Nambahka nya bekaul enggau perambu OSC MIDS Negeri ba taun 2021, ku iya, nambahka agi operasyen nagang aktiviti salahnguna dadah enggau substance kena nagang pengawa nyadung dadah.

Nambahka intervensyen ngubat enggau ngeraika individu enggau ruang bilik ke bekaul enggau substance kena nagang peminta ba dadah enggau ngetanka pengerai sida ti kena balut nya.

Numbuhka palan pemansang enggau intervensyen Komuniti Kena Balut Substance enggau ngerembaika servis OSCA nitihka tagit ari baruh OSC Pelilih Menua, kena ngenyakahka agi pengawa ngubat enggau ngeraika dalam komuniti.

“Ngenegapka agi tusun atur pengawa OSC MIDS Nengeri sereta Pelilih Menua; enggau Biro MIDS kandang endur Penghulu ba renggat abaruh,” ku iya lebuh ke nyebut entara perambu OSC MIDS renggat nengeri Sarawak ba taun 2021.

Sama bisi ba aum pengarang berita Sekretari Mendam Opis Menteri Pengintu Pengelatang Pendiau, Pengelantang Pendiau Raban Bansa, Orang Indu, Ruang Bilik enggau Pemansang Nembiak Mit Dr Rashidah Bolhassan enggau Sapit Tuai Jabatan Siasatan Jenyah Narkotik, PDRM Sarawak Superitendan Wong Leong Meng.

Advertisement