Anda di sini

Aktiviti ekonomi menua deka beoperasyen baka selama sekumbang timpuh emergensi

Advertisement

KUALA LUMPUR: Menteri Besai Tan Sri Muhyiddin Yassin kemari meri jamin ke alai aktiviti ekonomi menua deka beoperasyen baka selama sekumbang timpuh emergensi, tang bepanggai ba pengulih nitihka prosedur operaysen standard (SOP) enggau penerit Atur Nagang Pemindah (PKP).

Iya bebendar madahka perintah mega deka nentuka aktiviti ekonomi enda diketu ngambika rayat ulih terus gawa lalu pengawa dagang enggau industri ulih beoperasyen baka selama.

“Organisasyen nyaga enggau ngemata menua ti diaku ba renggat antarabansa iya nya Bank Negara Malaysia, Suruhanjaya Kaunsil Malaysia deka terus bejalaika pengawa sida nyadi penarak pengawa nyaga enggau ngintu sereta ngemudahka chara kompeni enggau dagang,” ku iya dalam jalu pesan khas emergensi ti ditaburka terus nengah stesyen televisyen menua kemari.

Dulu ari nya, Yang di-Pertuan Agong Al-Sultan Abdullah Ri’ayatuddin Al-Mustafa Billah Shah Netapka Proklamasi Darurat dipejalaika nyentuk 1 Ogos ke deka datai ti nyadi chara proaktif nagang penyakit COVID-19 di Malaysia.

Berebak enggau tu, Menteri Besai mega nerangka ngagai raban orang ti bisi pemerat baka pekara nya, ke alai Malaysia agi tebuka ba pengawa dagang maya betapi timpuh ti mar tu.

“Timpuh emergensi tu deka meri kitai pengelantang enggau penegap ke diguna ngambika kitai ulih mekuh ngagai pengawa mulaika pemanah ekonomi enggau pemansang.

“Kitai tetap komited ngagai ngatur pengawa ti manah dalam timpuh tu sereta ngembuan ekosoistem pengawa nyaga enggau ngintu ti tegap enggau dinamik,” ku iya.

Muhyiddin madah, perintah udah bejalaika strategi enam renggat kenyau ari bulan Mac taun nyin kemari ti mega sama dipasuk dalam Perambu Belanja 2021 ti ulih ngenyakahka baru ekonomi.

Penegap ti nadai tatak ti udah tentu deka tumu nyendiaka menua ngambika terus tan sereta ulih nempa pelasar mulaika pemanah ekonomi ke udah dipejalaika enggau chakah kenyau taun nyin kemari, ku Menteri Besai. — Bernama

Advertisement