Anda di sini

Giga chara bukai kena nyilih ari ke ngena bawang mirah

Advertisement

MUKAH: Mensia mayuh dilalau ngiga chara bukai kena nyilih ari ngena bawang berindik ari rega bawang mirah ke majak mar.

Ketuai Pampang Opis Menteri Dagang Dalam Negeri enggau Pekara Penguna (KPDNHEP) Mukah Salihin Den madah, siti ari utai bukai ke tau kena nganti,iya nya bawang Bombay India.

“Bisi alternatif tauka pilih bukai ngagai penguna iya nya ngena  bawang Bombay India ke bisi dijual ba pasaar diatu,” ku iya madah ngagai Utusan Borneo, kemari.

Iya ditanya msentang gaya rega bawang Mirah di Mukah diatu.

Dulu ari nya, Salihin madahka peniki rega bawang mirah nya enda ulih diseliahka laban pemekal nya ari Sibu.

Pemekal nya ku iya sama ngimport bawang mirah mit ari India.

Rega bawang mirah ke amjak mar kelebih agi ba sitak Mukah ku iya, udah ditemu kenyau ari pun bulan Oktober tu tadi.

Taja pia, sida udah ngemansutka sekeda notis bekaul enggau peniki rega nya  ngagai orang dagang di Mukah.

Nya kena nerangka silik agi bekaul rega bawang mirah.

Advertisement