Anda di sini

MTAC berengkah bejalaika TSTM kena ngemanahka industri seni, main asal

Advertisement
 Awang Tengah lebuh ti nyimpul jurai ungkup Opis Menteri Dagang Temuai, Seni enggau Lumba enggau Main sereta Opis Menteri Nembiak enggau Lumba enggau Main ba aum DUN kemari.
NGEMANSANGKA INDUSTRI DAGANG TEMUAI: Awang Tengah lebuh ti nyimpul jurai ungkup Opis Menteri Dagang Temuai, Seni enggau Lumba enggau Main sereta Opis Menteri Nembiak enggau Lumba enggau Main ba aum DUN kemari.

KUCHING: Opis Menteri Dagang Temuai, Seni enggau Main Asal (MTAC) udah berengkah bejalaika pansik Pelin Besai Dagang Temuai Sarawak Ketiga (TSTM) kena ngerandang jalai nuju pemansang dalam industri tu ti majak manah ari kena empas COVID-19.

Sapit Kepala Menteri, Datuk Amar Awang Tengah Ali Hasan madahka, pansik pelin besai nya dipejalaika MTAC begulai enggau Unit Perambu Ekonomi (EPU) ti deka mansik model enggau stratgei pengawa dagang baru ba kededua peminta enggau bekal industri dagang temuai.

“Nengah tu kitai mega deka ngelala enggau ngemansang kuing startegi enggau pelin bejalaika pengawa kena sektor dagang temuai nyungkak kededua timpuh ti majak manah dalam industri enggau penumbuh timpuh panjai.

“Sektor dagang temuai mega siti ari sektor ekonomi besai ari baruh Majlis Tindakan Ekonomi Sarawak,” ku iya lebuh ti nyimpul jurai MTAC enggau Opis Menteri Nembiak, Lumba enggau Main ba hari kepenudi Aum Kedua Penggal Kelima DUN Sarawak Ke-18 ti diatur ba Kompleks DUN ditu, kemari.

Bejaku baru iya madahka MTAC benung merambu deka mekuh ngagai beberapa bidang ti bisi potensial ngagai projek ti meri empas tinggi ke deka dipejalaika ari baruh Langgur Pemansang Malaysia Lumpar Ke-12 (RMK12).

Entara pekara ti dikemekuh ke bisi potensial iya nya ngemansang perengka guna enggau kereban produk dagang temuai Sarawak baka taman negara, pantai enggai ai terjun.

Nambahka nya dikena ngintu, ngalau enggau ngelakuka penyelai sejarah, main asal enggau pesaka nengah muzium, kubu, begunanan pesaka enggau palan arkeologi, ku iya.

Iya mega madahka Sarawa bisi Palan Ungkup Seni Main Asal kediri empu ti deka nyadi hub besai alai ngerembaika penau enggau pengelandik peranak nengeri tu dalam industri seni ba atas panggau.

“Bidang ti bisi potensial mega iya nya ngemansangka industri asil pengelandik jari nengeri tu nengah pengawa numbuhka Palan Asil Pengelandik Jari Sarawak ti nyadi alai mandangka pengelandik jari enggau tepa ke nyelai ngagai temuai,” ku iya.

Kelimpah ari nya, lebuh ti nyimpul jurai ungkup Opis Menteri Nembiak, Lumba enggau Main, Awang Tengah madahka, taja pan menua betapi enggau pandemik COVID-19 opis menteri tu mujur ngatur 361 program nembiak, lumba enggau main.

Iya madahka ari penyampau semua 361 program nya taun tu, bisi 27,173 iku raban nembiak ke ngulu program ke diatur.

“Ari baruh Projek Rayat enggau RMK11, opis menteri udah diungkupka RM365 juta dikena bejalaika pemansang 42 perengka guna lumba enggau main serata Sarawak.

“Opis menteri deka terus nyendiaka perengka guna lumba enggau main ti kondusif enggau ngatur mayuh program dikena ngemansangka nembiak kitai,” ku iya.

Advertisement