Anda di sini

Dennis agi chalun ti engkeman ba Telang Usang

Advertisement
 Rentap, Dennis begulai enggau pesereta ‘Townhall’ sereta Jelajah Pergerakan Pemuda PBB/GPS konvoi di Long Naha’a, Miri.
KONVOI: Rentap, Dennis begulai enggau pesereta ‘Townhall’ sereta Jelajah Pergerakan Pemuda PBB/GPS konvoi di Long Naha’a, Miri.

MIRI: Raban Unit Nembiak Parti Pesaka Bumiputera Bersatu (PBB) deka Kaban Kunsil Nengeri (ADUN) Telang Usan Dennis Ngau dichalunka baru ngarika parti nya di kerusi Kunsil Nengeri (DUN) Telang Usan maya Pengawa Bepilih Nengeri Ke-12 (PRN12) ti deka datai.

Ketuai Unit Nembiak PBB, Gerald Rentap Jabu ke mega ADUN Layar madahka Dennis udah mandangka tikas pengawa ti nyulut maya meri servis nyadi pengari rayat pengelama dua penggal.

“Pemesai sitak Telang Usan enggau penyauh timpuh pejalai iya nya siti pemar ke besai ngagai sebarang YB tang Dennis liat ati ngabas genturung pendiau ba sitak iya nyauka ninting hari nyengkaum bemalam ba menua ulu kena ngemujurka program di genturung pendiau ba sitak iya.

“Kitai ditu patut beserakup ngambika Dennis ulih menang enggau bulih majoriti besai lalu kami besampi iya ulih nyadi siku menteri,” ku iya lebuh ngulu program ‘Townhall’ enggau ‘Jelajah Pergerakan Pemuda PBB/GPS’ di Long Naha’a ditu.

Berebak enggau nya,iya minta rayat menua pesisir enggau ulu entigis nyengkaum raban nembiak ngambi enda mudah pechaya enggau jaku semaya manis ari orang luar kelebih agi maya musim pengawa bepilih diatu.

Sentang pemansang di Sarawak, Rentap madahka nya proses ti deka dipajakka kelebih agi sukut perengka pengangkut enggau logistik.

Sarawak nengah ubah infrastruktur, rama, ekonomi, pelajar enggau perengka pengangkut udah mansang enggau jampat.

“Bida dulu suba enggau diatu enda tentu diasai raban nembiak laban sida ada jeman diatu ke alai bisi program pemansang ari perintah Sarawak ti udah bulih pemujur.

“Tanggungpengawa kitai ukai semina diatu, tang nya mengkang dipejalai ungkup bala anak uchu kitai. Gabungan Parti Sarawak (GPS) nyamin pemansang enggau kuing pengawa diasai rebak biak dudi hari ila,” ku iya nerang.

Berebak enggau nya, bisi 250 iku pesereta iya nya ari raban nembiak Uma Bawang, Daleh Long Pelutan, Long Pilah, Long Nakan, Long Keseh, Long Suling, Long Liam Keliman, Long Bemang enggau Long Latie nyereta program nya.

Bisi diatur mega pengerami ‘Townhall’ bejuraika pekara sentang NCR ti dikenataika pengelicha Kaunselor Wejok Tomic, Pelin Pemansang Telang Usan (Dennis Ngau), Perambu enggau Polisi Perintah Raban Nembiak Sarawak (Rentap enggau ADUN Serembu Miro Simuh).

Ketuai Kampung Long Naha’a Albert Wan Ding ngenataika sekeda peminta baka sebuah jematan gantung meraka Sungai Baram, bekal ai beresi enggau agu mensia mayuh.

Albert mega minta Dennis mengkang nyadi chalun PBB ba Pengawa Bepilih Nengeri ti deka datai.

Long Naha’a iya nya sebuah rumah panjai Kayan enggau bisi 129 pintu sereta penyampau peranak kandang menua nya bisi 1,700 iku.

Raban konvoi 14 buah kerita 4x4 w ti mai Exco PBB Nengeri enggau Exco PBB Telang Usan. Destinasyen kedua sida iya nya Long Banyok.

Advertisement