Anda di sini

SSB, SSPC deka majak mantu sekula di Sabah, Sarawak, Labuan napi COVID-19

 Ivan (lima kiba ba mua) nyuaka bantu ari sida ngagai Lee (lima kanan ba mua) di Miri bedau lama udah.
BANTU: Ivan (lima kiba ba mua) nyuaka bantu ari sida ngagai Lee (lima kanan ba mua) di Miri bedau lama udah.

KUCHING: Sarawak Shell Berhad (SSB) enggau Sabah Shell Petroleum Co. Limited (SSPC) deka majakka ngintu, meri sukung enggau pemereti ati ba timpuh kitai betapi ngelaban COVID-19 nengah meri bantu ngagai sekula di Sabah, Sarawak enggau Labuan.

Barang baka sanitasyen jari, tisu sanitasyen, thermometer inframerah enggau poster sereta barang chelak ke bekait sentang atur nyaga pengerai nitihka garis lalau ti udah ditetapka  Organisasyen Pengerai Sedunya (WHO).

“Nengah nya udah mujur meri pemaik ngagai 13,000 iku nembiak sekula enggau pengajar di Miri, Kota Kinabalu enggau Labuan.

“Berindik pengawa muka sekula, kami deka mantu ngangkatka tikas pemereti ati ba raban nembiak sereta risiko transmisyen ke bekaul enggau pandemik nya,” ku Mandal Presiden Hulu Shell Malaysia, Ivan Tan.

Pengawa nyuaka nya ti diatur di Miri udah diserah ngagai Menteri Perengka Pengangkut, Datuk Lee Kim Shin ke mega Chairman Komiti Mutarka Penusah Ngenyit Bagi Menua Miri.

Sama bisi datai iya nya Pemangku Residen Bagi Menua Miri, Aziz Abdul Yusoff.

“Terima kasih ngagai pengawa sida ti udah mantu sekula di Miri ba timpuh napi pemar tu,” ku iya nambah.

Sarawak Shell Berhad seruran nyadi teladan ngagai Tanggungpengawa Rama Korporat (CSR) di Sarawak.

Enam buah sekula ti nerima bantu tu iya nya SMK Lutong, SMK Luak, SK Lutong, SK Luak, SK Senadin enggau SK Tudan.

Di Kota Kinabalu enggau Labuan, semua barang bantu udah diberi nengah pengari kanan Shell.

Penerang ke silik, tau ngagai laman www.shell.com.my/covid19.

Advertisement