Anda di sini

Tegapka penyerakup ungkup Malaysia

Advertisement
 Mawan begulai enggau peranak ngibarka menira Jalur Gemilang ba Program Merdeka @ Komuniti Sitak P.209 Julau di Rh Tayan,Sg. Lepong, Sarikei kena Hari Enam, kilah ensanus.
TALUKKA MENUA: Mawan begulai enggau peranak ngibarka menira Jalur Gemilang ba Program Merdeka @ Komuniti Sitak P.209 Julau di Rh Tayan,Sg. Lepong, Sarikei kena Hari Enam, kilah ensanus.

KUCHING: Hari Sarawak, Hari Malaysia enggau Hari Merdeka iya nya tiga hari besejarah ti mesti dikeingat lalu dikeandalka semua rayat.

Kaban Kunsil Nengeri (ADUN) Pakan Tan Sri William Mawan Ikom madah, ketiga hari besejarah nya chukup besai reti tang nyema rayat enda beterima kasih, tu tau ngujungka penyerakup menua kelimpah nengeri tu deka tekeruga.

“Nyema rayat enda ngetanka identiti diri lalu amat pemar kitai ngetanka penyerakup.

“Kitai mesti ngemeratka penyerakup enggau komuniti sereta enda pambar ari pangan diri,” ku iya ba Program Merdeka @ Komuniti Sitak P.209 Julau di Rh Tayan,Sg. Lepong, Sarikei kena Hari Enam, kilah ensanus.

“Ku Mawan, nyadi rayat Malaysia, semua mesti beserakup enggau ngembuan identiti diri ngambika pemansang ulih dibai ngagai menua.

“Nadai menua ti deka diperintah orang bukai, nadai menua ti deka tinggal ari pemansang enggau nadai menua ti enggai ngembuan identiti diri.

“Nya kebuah nyema kitai ngembuan identiti diri, lalu kitai ulih ngatika diri, hak enggau kuing polisi kitai empu deka nyadi menua mansang sebaka enggau menua bukai ti udah mansang,” ku iya.

Nerang senentang program Merdeka tu, ku Mawan, tu entara siti chunto program ti ulih nerenakka pengeransing penyerakup enggau reti merdeka ngagai rayat ba kandang menua pesisir.

“Sehari tu (kilah ensana) aku berasai temegah ati meda ulah enggau pengeransing ti diayanka peranak ba ditu enggau ngarapka program tu deka ngangkatka agi pengeransing penyerakup enggau patriotism ba peranak di rumah panjai,” ku iya.

Advertisement