Anda di sini

Nembiak sekula dikearapka nyaup baru komuniti ba kandang menua sida empu

Advertisement
 Abdul Yakub (kanan) lebuh ti nyuaka bantu ngagai siku penerima maya program nya bedau lama ti udah.
TERIMA MIH: Abdul Yakub (kanan) lebuh ti nyuaka bantu ngagai siku penerima maya program nya bedau lama ti udah.

MUKAH: Bala nembiak sekula dipesan ngambika meri pemaik pulai baru ngagai komuniti pengudah sida mujur jemah ila.

Kaban Kunsil Nengeri (ADUN) Balingian Abdul Yakub Arbi madah, pekara nya dikena nentuka pemujur ulih dijapai dalam tetiap rebak.

“Nyema udah bepengawa sereta mujur jemah ila, anang enda nyaup baru komuniti ba kandang menua diri empu,” ku iya lebu bejaku ba Pengerami Nyuaka Bantu Pelajar ba Palan Servis Pengari Rayat DUN Balingian bedau lama ti udah.

Taja nya sekali meri, Abdul Yakub ngarapka nya ulih mantu sida dalam nyendiaka belanja pelajar.

Pia mega, iya mega madahka mayuh chara dalam minta bantu tauka duit jali pelajar ke ulih digaga.

Entara nya baka Yayasan Sarawak, Majlis AManah Rakyat (MARA) enggau Perbadanan Tabung Pendidikan Tinggi Nasional (PTPTN).

Taja pia, iya bisi bepesan ngambika sida anang enda mayar pulai baru duit jali nyema udah bisi pengawa jemah ila.

Iya mega meri besai pengaga ati ngagai nembiak sekula ke ulih nampung pelajar ba renggat ti tinggi agi.

Bisi 38 iku nembiak sekula ari kandang menua Balingian udah nerima bantu nya.

Advertisement