Anda di sini

YPS nempa nama dalam Malaysia Book of Records

Advertisement
 Tun Taib nerima setipikit Malaysia Book of Records Pemadu MayuhEnsera Pandak ‘Penyerakup’ ti disuaka Ketuai Pemesai Operasyen, Christopher seraya diperatika Aloysius enggau George Chan (kanan), kemari. — Gambar Jabatan Penerangan
KELAI PEMUJUR: Tun Taib nerima setipikit Malaysia Book of Records Pemadu MayuhEnsera Pandak ‘Penyerakup’ ti disuaka Ketuai Pemesai Operasyen, Christopher seraya diperatika Aloysius enggau George Chan (kanan), kemari. — Gambar Jabatan Penerangan

KUCHING: Yayasan Perpaduan Sarawak (YPS) nempa nama dalam Malaysia Book of Records pengudah ngembuan Pemadu Mayuh Ensera Pandak ‘Penyerakup’ iya nya bisi 1,118 iti ensera pandak.

Ketuai Eksekutif YPS Datu Aloysius J. Dris madah, penyulut nya dijapai rayat Sarawak, ukai peranak Sarawak enggau ukai ari peranak Malaysia ti diau di Sarawak.

“Malaysia Book of Record ungkup ‘Pemadu Mayuh Ensera Pandak ‘Penyerakup’ iya nya siti akun ti betul ngagai Sarawak ke bisi raban bansa ti mayuh adat enggau main asal enggau etnik ke ulih idup dalam pemaik enggau pengelantang.

“Kitai suah dipuji nyadi Nengeri Model Penyerakup ba Malaysia, lalu rikot tu chukup ngamatka nya,” ku iya.

Aloysius mansutka pekara nya dalam jaku pengelalu pengerami nyuaka gela Malaysia Book of Records Pemadu Mayuh Ensera Pandak Penyerakup ti diatur ba sebuah hotel ditu, kemari.

Pengerami nya bisi digulu Tuai Pemegai Menua, Tun Pehin Sri Abdul Taib Mahmud, ke mega nyadi Chairman, Board of Trustees, Yayasan Perpaduan Sarawak. Bejaku baru, Aloysius madahka YPS temegah ati mai nama enggau penyulut nengeri nengah sukung ari rayat Sarawak.

Ku iya YPS bisi nerima 1,118 ensera pandak ti diterima ari 12 bagi menua, lalu pemadu mayuh pesereta ari bagi menua Kuching iya nya bisi 674 sereta ditangkanka Miri (140) enggau Sibu (97) sereta ke bukai ari bagi menua bukai nyengkaum 104 ari luar Sarawak.

Ari pemayuh cherita pandak nya, Ali Maru ari Bintulu ti enggau tajuk cherita Diversity with Love for Humanity teulihka lumur satu; Suziana Saiddin ari Sibu ti betajuk Negeriku: Sarawak (lumur dua) enggau Stanley Gona ari Kuching cherita betajuk Unity in Challenging Times bulih lumur tiga.

Sagu ati diterima Isabelle Sim ari Sibu (Unity Runs In Our Blood) enggau Jennie Soh ari Miri (Seek and You Will Find) Nambahka nya, iya madahka YPS deka terus nyukung sereta bekerejasama enggau organisasyen ba pengawa ngenegapka penyerakup sereta pemaik enggau pengelantang.

Kenyau ari taun 2010, YPS enggau sukung ari Institut Pemansang Sarawak -SDI- ngatur mayuh aktiviti enggau program baka Randau enggau Kepala Menteri, Intercultural Youth Forum, Camp United, Sarawak MakanMakan ti mantaika semua festival besai di Sarawak enggau Talks on Unity.

Ku iya, aktiviti enggau program nya fokus ngagai raban biak sereta berandauka isu enggau pemar ti ditapi nengeri enggau menua, kelimpah ari kena meri awak ngagai raban biak ulih meretika pangan diri, budaya enggau usul ti nyadi ‘prasyarat’ kaul enggau penyerakup ti chulin.

Iya madahka YPS ngelalu sereta tebuka deka bekerejasama enggau orang ke bisi pemerat ba pekara nya ke  bukai kena nyapai mayuh agi penyulut begulai.

“’Sarawak’s Pride Project’ tu iya nya chunto pemadu manah.

YPS bekerejasama enggau beberapa organisasayen main asal enggau pengarang, sekula, univerisiti,  kompeni peribit enggau organisasyen perintah dalam nengeri tu.

“Enti nadai sukung ari sida nya, kitai enda ulih ngereja tu enggau manah. Sekali agi ngarika YPS beterima kasih ngagau sukung ke enda putus.

“YPS udah tu deka ngiga lalu bekunsi cherita pandak ke udah digumpul tu nengah cherita pandak ti udah dichelak.

Kitai ngarapka organisasyen ke bukai mega deka bekerejasama enggau kitai ngayaka naratif Sarawak,” ku iya.

Advertisement