Anda di sini

Dewan Suarah, Librari Mensia Mayuh Miri ditutup sementara

Advertisement
 Lee madahka pengerusak ke bisi ba Dewan Suarah Miri ketegal gaya hari ti jai kena 23 Julai tu tadi.
RUSAK: Lee madahka pengerusak ke bisi ba Dewan Suarah Miri ketegal gaya hari ti jai kena 23 Julai tu tadi.

MIRI: Dewan Suarah Miri nyengkaum Librari Mensia Mayuh Miri ditutup kena 24 Julai nyentuk ngagai hari bulan deka dipadahka baru ila.

Menteri Perengka Pengangkut Sarawak, Datuk Lee Kim Shin madahka, dewan tu ditutup ngambika pengawa nyeruri pengerusak ke bisi ba sekeda endur begunan nya ulih dipejalaika.

Iya madahka, ujan ti bangat besereta ribut lemai 23 Julai nya udah ngerusakka siling librari enggau opis Dewan Suarah Miri.

“Kereja ngemanahka nya enggau chara besai patut dipejalaika. Nya alai, Dewan Suarah miri tu patut ditutup dikena ngelancharka pengawa ngemanahka nya,” ku iya kemari.

Dulu agi ari tu, Lee ke mega Kaban Kunsil Nengeri (ADUN) Senadin, menijar Dewan Suarah Miri enggau injinir Opis Kereja Raya (JKR) matau endur siling opis enggau librari ke bisi rusak.

Berebak enggau nya, Kaunsil Mengeri Miri (MBM) mega mei notis nutup Librari Mensia Mayuh Miri di Dewan Suarah Miri berengkah ensanus nyentuk pengawa ngemanahka pengerusak nya tembu digaga.

Advertisement