Anda di sini

Pengawa nyerenih baru ikas PGK endang amat patut

Advertisement
DR MADELINE
DR MADELINE

KUCHING: Pengawa nyerenih baru ikas Penatai Pemisi Garis Penyeranta (PGK) menua ngagai RM2,208 dibandingka RM980 sebedau tu, endang amat patut.  

Felo Akademi Sains Malaysia, Dr Madeline Berma madah, ikas PGK menua sebedau tu enda mandangka pengamat pengidup ba ungkus pengidup ke tinggi.

Nya alai ku iya, perintah patut nikika ikas PGK ti ba penyampau RM980 sebedau tu, ngagai penyampau ke endang amat patut.

“Ikas PGK disukat ngena metodologi 2019 ti beratika sekeda pekara.

“Keterubah gaya ekonomi diatu, nusun baru item pemakai ti beratka makai pemakai ti tau pulaika pemanah pengerai enggau chara optimum sereta nusun baru item ukai pemakai bepelasarka penerang Belanja Ruang Bilik 2019.

“Di Malaysia ungkup taun 2019, ikas PGK iya nya RM2,208 lalu PGK Sarawak iya nya RM2,131 lalu nya endang siti penyampau ke patut,” ku iya m adah ngagagi kUtusan Borneo.

Tambah Dr Madeline, di Malaysia penyampau penyeranta disukat bepelasarka penyeranta ke amat enggau penyeranta ‘relatif’.

Penyeranta ke amat ku iya, iya nya penatai pem isi ruang bilik enda umbas kena nangkup guna ba pengidup.

Penyeranta relatif beratika penatai pemisi ruang bilik nerima 50 peratus penatai pemisi ke baruh agi ari penatai pemisi ‘penengah’.

“Metodologi nyukat nya lebih mandangka realiti pengidup. Nengah penyampau ikas PGK baru tu, penyampau penyeranta enggau penyampau ruang bilik ke seranta tentu deka betambah.

“Tang tu endang patut lalu perintah tau enda meresa baru PGK baru ti udah ditetapka nya,” ku iya.

Advertisement