PUTRAJAYA: Opis Menteri Pelajar (KPM) netapka tiga model operasyen muka penuh sekula, ti patut nyadika lalau ngatur sekula nitihka penengkeman enggau gaya ba sekula sida.
Menteri Kanan Pelajar Dr Mohd Radzi Md Jidin madah,nitihka analisis enggau penyilik ti udah dipejalaika, model ti ditetapka iya nya Model Siti Sesi, Model Dua Sesi enggau Model Begintir.
“Model keterubah iya nya Model Siti Sesi. Model tu ungkup sekula ti ngembuan bilik kelas tauka palan ke umbas endur engkah semua bala nembiak dalam siti sesi, pengudah berundingka pekara seraka sosial.
“Model Dua Sesi iya nya ungkup sekula ke diatu ke udah beoperasyen dua sesi, tauka sekula siti sesi ke diatu ti mesti beoperasyen nengah chara dua sesi ketegal nadai endur ke chukup alai engkah ba aum media khas KPM kemari.
Ku Mohd Radzi, Model Begintir iya nya ungkup sekula ti nadai endur ke chukup alai engkah semua nembiak, taja pan ngemeranka model dua sesi, kelebih agi sekula ke ba kandang endur ti padat penyampau tubuh. — Bernama