Anda di sini

Harden majak ngabas rayat nengah program nemuai ari rumah ke rumah

Advertisement
 Harden (dua kanan) benung nyuaka geran perintah ngagai Tuai Rumah Rengkang, Lempong Empeliau, Sri Aman (dua kiba) maya Program Nemuai ke rumah panjai nya ditu pagi ensanus.
GERAN PERINTAH: Harden (dua kanan) benung nyuaka geran perintah ngagai Tuai Rumah Rengkang, Lempong Empeliau, Sri Aman (dua kiba) maya Program Nemuai ke rumah panjai nya ditu pagi ensanus.

SRI AMAN: Menteri Muda Pengintu Pengelantang Komuniti Sarawak ke mega Kaban Kunsil Nengeri Simanggang, Datuk Francis Harden Hollis nampung pengawa ngelawa ari rumah ke rumah dalam sitak Kunsil Nengeri (DUN) Simanggang lalu ke sekali tu ngagai rumah panjai ba kandang menua Sengat, Sri Aman.

Nengah konsep ngelawa nya, iya udah singgah ba semilan buah rumah panjai seraya berandau lalu meri penerang sentang polisi perintah Gabungan Parti Sarawak (GPS), ari baruh opis menteri iya.

Jaku penerang ti diterangka iya bekaul enggau tanggungpengawa baka ni Tuai Rumah ke ulih mantu rayat ari baruh pegai sidaba pengawa ngeripot enggau ngerejista sida ke bisi pematut dibantu nengah Opis Pengintu Pengelantang Raban Bansa (JKM).

Berebak enggau nya, kena ngamatka peminta Komiti Pemansang enggau Pengelikun Genturung Pendiau (JKKK), iya mega bisi nyuaka geran perintah kena nulung mimit ngelempungka tating penusah peranak rumah panjai dalam timpuh Atur Nagang pemindah Mulaika Pemanah (PKPP).

Penyampau semua MRP ke udah disuaka iya nya RM36,500.

Sama bisi datai ba pengawa tu, Sapit Chairman Kaunsil Pelilih Sri Aman (MDSA), Kunsilor Andar Suntai, Kunsilor Deneil Sawing, Kunsilor Gerunsen Nyelang, Kapitan Ling Siew Hung sereta ke bala ke bukai.

Advertisement