Anda di sini

Uggah ngabas sekula nentuka SOP dititihka

Advertisement
 Uggah lebuh ke ngabas laman sekula St Thomas. Sama bisi dipeda dia, Danald (kanan) enggau Robin (kiba).
NGABAS: Uggah lebuh ke ngabas laman sekula St Thomas. Sama bisi dipeda dia, Danald (kanan) enggau Robin (kiba).

KUCHING: Sapit Kepala Menteri Datuk Amar Douglas Uggah Embas udah ngelimpangka diri ngabas dua buah sekula sekondari di mengeri tu kemari, kena nentuka prosedur operasyen standard (SOP) dititihka ba sekula.

Sekula nya, iya nya Sekolah Menengah Kebangsaan (SMK) Jalan Arang enggau SMK St Thomas.

Nyempulang iya, Menteri Kunsil Kandang Menua enggau Pengawa Berumah Dato Sri Dr Sim Kui Hian enggau Chairman Opis Kunsil Padawan (MPP) Lo Khere Chiang.

Ba SMK Jalan Arang, penatai Uggah dan Sim disambut Sapit Ketuai Direktor Opis Pelajar Malaysia (Sektor Operasyen Sekula) Adzman Talib enggau prinsipal sekula nya, Lau Yok Hock.

Uggah ke megaChairman Komiti Mutarka Penusah Ngenyit Nengeri Sarawak (JPBNS) ngelimpangka diri pengelama sejam di sekula nya.

Berebak enggau nya, ba SMK St Thomas penatai iya disambut Biskop Gerija Anglikan di Sarawak enggau Brunei Rev Datuk Danald Jute, Datuk Bandar Majlis Bandaraya Kuching Selatan (MBKS) Datuk Wee Hong Seng enggau prinsipal sekula, Robin Sabai.

Uggah puas ati meda pengasi nitihka SOP ti dipandangka kededua buah sekula nya.

Iya mega sempat ngabas pasar Petanak, meresa aplikasyen COVIDTrace ba pintu penama pasar nya.

Advertisement