Anda di sini

KPDNHEP Sibu ngerampas lebih RM111,000 barang dalam taun tu

Advertisement
 Kelyn (kanan) sereta diulu Direktor Supermarket Everwin, Swan Square, Wong Ling Tung lebuh ngatur pengawa SHMMP di Sibu, kilah ensanus.
MERESA: Kelyn (kanan) sereta diulu Direktor Supermarket Everwin, Swan Square, Wong Ling Tung lebuh ngatur pengawa SHMMP di Sibu, kilah ensanus.

SIBU: Opis Menteri Pengawa Dagang Dalam Nengeri enggau Pekara Penguna (KPDNHEP) Pampang Sibu ke diatu udah ngerampas barang ke berega lebih ari RM111,000 ari palan dagang ba ditu laban udah ngereja bemacham penyalah dalam taun tu.

Ketuai KPDNHEP Pampang Sibu Kelyn Bolhassan, tu nyengkaum 24 kes dalam pengawa ngambi barang ba palan bebelika barang, kedai renchit enggau bansal bedagang.

Pekara tu dibantaika kilah ensanus pengudah bejadika Skim Rega Maksimum Musin Pengerami (SHMMP) nyerumba Hari Raya Aidilfitri ari 20 Mei nyentuk 3 Jun, lalu 10 bengkah barang nyerumba pengerami Hari Gawai Dayak ari 28 Mei nyentuk 3 Jun di palan bebeli barang Everwin ba Swan Square ditu, ke nyengkaum Sibu, Kanowit enggau Selangau.

“KPDNHEP Pampang Sibu bisi ngerikodka penyampau RM11,550 ke digumpul ari 22 kes ti udah kena kompaun, laban ditemu ngereja penyalah dalam pengawa dagang baka ba Akta Kawalan Harga enggau Anti Pencatutan 2011, Akta Perihalan Perdagangan 1961 sereta Akta Timbang enggau Sukat 1972.

“Dalam timpuh tu, bisi 2,837 palan dagang udah diperesa nyengkaum 481 ba pelilih menua pesisir,” ku iya.

Berebak enggau nya, ku Kelyn, raban opis nya mega udah nerima 86 ripot ari mensia mayuh, 43 kes bekaul enggau rega barang ke ditagang, 19 kes transaksyen pengawa dagang nengah ‘online’ sereta tujuh kes dagang pelesu.

  • oleh
  • Advertisement