PUTRAJAYA: Atur Nagang Pemindah (PKP) deka dilanjar nyentuk 14 April 2020, pia ku pemutus ke digaga perintah kemari.
Menteri Besai, Tan Sri Muhyiddin Yassin madah timpuh ngelanjar nya dipadah tumu ngambika rayat lebih sedia.
“Kita ke di menua din anang berumban pulai ke Kuala Lumpur ujung minggu tu. Diau dulu di menua lalu mindah ke bukai,” ku iya ba pesan khas Menteri ti dipancharka terus nengah televisyen kemari.
Menteri nya madah, bala anak ti patut pulai ngagai buding, tau enda ibuh pulai ngagai buding agi, lalu opis mega mesti lalu ditutup terus dalam timpuh nya.
Ku Muhyiddin, nyema bisi pekara berat ti patut diaduka dalam timpuh dua tiga minggu ke deka datai, rayat dipinta merambu dulu ari diatu bakani chara deka ngaduka nya.
“Ngarapka anang begau sereta anak panik. Taja pan kami udah ngelanjarka Atur Nagang Pemindah (PKP), kita tau enda naruh stok pemakai laban bekal nya enda chukup. Aku meri jamin ngagai kita ke alai pemakai chukup ke semua.
“Aku nemu kitai berasai kena tating tang aku nadai pilih bukai. Aku mesti ngelanjarka Atur Nagang Pemindah ke pengelikun kita,” ku iya.
Ku Menteri Besai, timpuh atur ti diteritka nya deka dipansik belama lalu nyema bisi pematut dilanjarka agi, iya deka madah baru.
“Ke beguna amat aku minta kita seruran sedia diau ba rumah lama agi,” ku iya.
Menteri Besai nya madah, iya mega udah merintahka semua opis menteri nyikap diri ngaduka utai ti diguna rayat sekumbang timpuh Atur Nagang Pemindah nya diteritka.
Ke beguna amat, semua utai ke diguna nya mesti seruran bisi sereta chukup nyengkaum bekal pemakai, elekterik enggau ai, servis ngumpul uras enggau sistem muai tai enggau utai kamah, rengka komunikasyen enggau logistik sereta pengelikun mensia mayuh, ku iya.
Nemua mayuh orang begunaka sukung enggau bantu lebuh ke napi maya ke tusah diatu, Menteri Besai madahka beberapa inisiatif udah dibantaika perintah nyengkaum nangguhka bayar pulai duit injau ari bank nyentuk ke enam bulan sereta nusun baru laluh kad kredit enggau pinjau korporat ti dipadahka kemari.
“Kena Hari Lima iila aku deka mantaika siti agi ‘pakej rangsangan ekonomi’ siruka rayat ti deka mungkur semua. Bala pemesai aku ba Opis Menteri Wang benung chakah gawa nyendiaka siti pakej rangsangan ekonomi ti deka meri pemaik ngagai semua,”
“Sekalika kita deriba teksi, deriba grab, orang bumai bekebun, pengemeran dagang restoran, penyual asi lemak, penyual pisang guring, penyual burger, pekereja begaji hari,perintah deka nguji nentuka kita semua bulih pemaik.Ngarapka, nadai siku pan tinggal,” ku iya. — Bernama