Anda di sini

KKMM ngenadaika sekeda berita palesu ti dikerembai ba media sosial

Advertisement

KUALA LUMPUR: Polis Diraja Malaysia (PDRM) ngenadaika berita ti madahka enti orang ke nepan kerita nya lebih ari siku deka disaman RM300 lalu nyema enda ngena sengkabung idung enggau mulut deka disaman RM200, sekumbang timpuh Atur Nagang Pemindah (PKP) ti teritka ari 18-31 Mac.

Opis Menteri Komunikasyen enggau Multimedia (KKMM) ba sebengkah penerang kemari madahka PDRM bela ngenadaika berita ti madahka empat iku lelaki Indiati ditemu positif COVID-19 udah rari ari Hospital Kepala Batas, Pulau Pinang.

“ Sida sepital Dungun mega ngenadaika berita ti madahka semua staf sepital nya udah dikuarantin. Taja pan bisi kes positif COVID-19 ba sepital nya, perintah kuarantin enda mungkur semua staf baka ke dipadahka nya,” pia ku penerang nya.

Kelimpah ari nya, Opis Menteri Pengerai mega ngenataika berita ti madahka siptom baru COVID-19 ke ditemu iya nya nyawa lembau makai sereta enda ulih ngemau.

Opis Menteri Besar Selangor mega ngenadaika ti madahka sekeda ‘hot spot’ COVID-19 mungkur kandang menua Sg. Lui, Sg. Ramal Dalam, Sg. Merab dan Jalan Kebun ti diberitaka dikeluarka Kaunsil Pengelikun Menua (MKN) Selangor. — Bernama