Anda di sini

Andau beungkus RM329,994 digaga meraka Sungai Undop

Advertisement
 Harden (kiba) ngabas pemansang pro-jek ngaga andau nya kemari.
PROJEK UNGKUP RAYAT: Harden (kiba) ngabas pemansang pro-jek ngaga andau nya kemari.

SRI AMAN: Jalai meraka ke seberai sungai deka mudah agi ditengah enti projek ngaga andau meraka Sungai Undop ba Kampung Nyakai Baroh, ditu udah tembu digaga.

Menteri Muda Pengelantang Komuniti Datuk Francis Harden Hollis madah, projek ti beungkus RM329,994.87 nya agih ari Projek Tranformasyen Menua Pesisir (RTP) ungkup sitak iya, DUN Simanggang.

Ku iya, penguntung ari pengawa ngaga andau nya, peranak menua ba kan dang menua Nyakai ke bisi tanah di seberai sungai ulih ngemansangka tanah nengah pengawa betanam betupi.

“Nengah penemu projek tu ila, mayuh pemansang ulih digaga  di tanah seberai lalu dikearap ulih ngangkatka tikas sosioekonomi peranak ba kandang menua ditu,” ku iya.

“Tu pemendar Perintah Sarawak ari baruh Gabungan Parti Sarawak (GPS).

“Perintah Sarawak ari baruh iring Yang Amat Berhormat Datuk Patinggi Abang Johari Tun Openg endang penampung legasi Tok Nan ti chakah gawa nentuka rayat Sarawak bulih hak baka ke udah bisi dalam Sempekat Malaysia 1963 (MA63).

“Ambika chunto lima peratus chukai nyual minyak enggau gis, deka beratika empas penatai pemisi nengeri tu nambah lalu enti kitai bisi penatai pemisi ke chukup, kitai ulih ngaga projek infrastruktur ke besai ke dikena enggau pengelantang rayat Sarawak,” ku iya.

Advertisement