Anda di sini

Tukar paradigma, anang fokus ba penyulut akademik aja

Advertisement
FATIMAH
FATIMAH

KUCHING: Raban bansa kelebih agi pengajar sereta apai indai patut nukar paradigma ti semina fokus ba penyulut akademik ngagai pemansang ti holistik.

Menteri Pengintu Pengelantang Pendiau,Pengelantang Raban Bansa, Orang Indu, Ruang Bilik enggau Pemansang Nembiak Mit Dato Sri Fatimah Abdullah madah, nya dikena nyeliahka ari mayuh macham penanggul disiplin nyadi ba sekula nengeri tu baka kes ngemedis nembiak bukai.

Iya madah semua raban bansa kelebih agi pengajar sereta apai indai patut muka runding laban baka ngemedis nembiak bukai ukai semina nyadi ba sekula  biasa tang bisi nyadi ba Sekula Sains, ke alai nembiak ti pemadu nyulut dalam akademik dipilih belajar ba sekula nya.

“Kitai patut berunding diatu laban semina meri fokus ngagai penyulut akademik aja enda chukup, pelajar patut holistik iya nya ukai semina ngemeratka pemansang ari sukut kognitif tang mega patut nyengkaum ulah, sosial emosyen enggau karakter laban tu sama beguna ngambika nembiak bulih pemansang ti sebela.

“Kitai ngarapka enggau penyadi kes ke baka tu bala pengajar, apai indai, raban bansa sereta semua patut nukar ari sukut paradigma sida ti semina ngemeratka penyulut akademik nembiak ngagai pemansang ti holistik. Akademik manah, karakter mega manah.

“Kitai ngarapka tu kes ngemedis nembiak bukai ti keterubah enggau ke penudi nyadi ba taun tu enggau taun bukai,” ku iya lebuh dikerandau raban pengarang berita kemari.

Dulu ari nya, Fatimah ngulu aum pengarang berita nyuaka geran Opis Orang Indu enggau Ruang Bilik Sarawak (JWKS) enggau nyuaka pom KGC ti diatur ba sebuah hotel ditu.

Kemari, tiga iku nembiak lelaki form satu sebuah sekula sekondari bemalam penuh ba Jalai Batu Kawa-Matang demaram ba tubuh ti dipelabaka dijamah seraban nembiakti tuai agi ari iya kena Hari Minggu apin lama.

Ketuai Polis Pelilih Menua Padawan Superintenden Aidil Bolhassan madah, iya ti bemalam ba sekula nya dipadahka dipalu, dibukut enggau diterajang ambis nadai 11 iku nembiak form tiga ngagai lima.

Nitihku iya, pekara nya ditemu lebuh siku ari nembiak nya sebanaka pekara nya ngagai apai indai iya laban trauma enggau insiden ti nyadi ba sida nya.

Pansik silik bekaul kes tu agi dipejalaika ari baruh Seksyen 147 Kanun Keseksaan.

  • oleh
  • Advertisement