Anda di sini

Raja Permaisuri Agong dipelaba deka nemuai ngagai Rh Gare kena 4 Feb

Advertisement

KAPIT: Raja Permaisuri Agong Tunku Hajah Azizah Aminah Maimunah Iskandariah Binti Almarhum Al-Mutawakkil Alallah Sultan Iskandar Al-Haj deka nyadi Permaisuri Malaysia keterubah nemuai ngagai rumah panjai Iban, Rumah Gare, Sungai Kain, Baleh, pelilih Bukit Mabong dalam Bagi Menua Kapit.

Iya enggau raban iya dipelaba deka nemuai ngagai rumah panjai nya kena Hari Dua, (4 Feb 2020).

Penemuai iya kia laban deka betemu enggau penenun pua kumpu di Rumah Gare. Rumah Gare tebilang enggau tenun asal pua kumpu ti ngembuan rega ke tinggi laban bisi peminta ke manah ari bala temuai ti datai ke Kapit.

Tuai Rumah Gara m adah, iya bedau nerima surat rasmi ari Opis Residen Kapit bekaul enggau penemuai Permaisuri nya ngagai rumah panjai iya.

Ku iya, bala bakih enggau peranak rumah panjai nya gagit amat ninga perambu penemuai Permaisuri nya, laban penemuai nya deka nyadi penemuai ke besejarah.  

“Rumah panjai aku tebilang enggau asil pengelandik jari, tenun asal pua kumpu. Kami deka mandangka chara ngaga ngagai ari pun nyentuk ke tembu ngaga pua kumpu nya ngagai Permaisuri. Kami mega berasai temegah amat ati sereta meri basa ngagai Raja Permaisuri ti deka nemuai ngagai kami,” ku iya.

Rumah Gare ba Sungai Kain, dalam pati Sungai Baleh River di ulu sungai Kapit.

Nadai jalai ke meruan kin tang ulih dilawa ngena kerita 4WD nengah jalai kompeni kayu batang pengelama dua jam tauka lebih.

Pengelaju deriba kin bepanggai ba gaya hari enggau gaya jalai.

Advertisement