Anda di sini

Ampuh bah di ulu Tinjar majak surut

Advertisement
Bomba enggau pemesai polis ari Marudi beratika gaya ampuh bah di Long Teru kemari.
BERATIKA GAYA AMPUH BAH :Bomba enggau pemesai polis ari Marudi beratika gaya ampuh bah di Long Teru kemari.

MIRI: Gaya ampuh bah  ke nyadi ba beberapa endur ke baruh kelebih agi ba ulu Tinjar berengkah surut, kemari.

Tikas ai di ili baka ba Long Tabing enggau Long Teru niki ku ketuai Opis Bomba enggau Penyelamat Zon 6  Supt Law Poh Kiong

Law ba penerang ti dpansutka kena pukul 4.28 lemai kemari madahka tikas ai ba Rh Kajan Sigeh Long Teru niki dua kaki, tang gaya ampuh bah mengkang enda ngenataika penusah.

“Sekula ba genturung pendiau, Sekula Primari (SK) Long Teru iya nya entara 11 buah sekula ti dituntung ampuh bah kenyau ari Hari Minggu tang agi beoperasyen taja pan tikas ai niki,” ku iya.

SK Bentawa ditutup kemari kenyau ari Hari Satu pengudah jalai tama ke sekula nya teputus ketegal ampuh bah.

“Bah ba SK Bentawa berengkah surut seharitu (kemari). Palan bukai ke ampuh bah ti bela berengkah surut iya nya ba Long Jegan, Long Teran, Kuala Bok, Kuala Tutoh enggau ba Pengelayan,” ku Law.

Berebak enggau nya, Sekreteriat Komiti Mutar Penusah Nyenyit Nengeri Major (PA) Ismail Mahedin ba penerang kemari madah, bisi 12  kandang menua ke ampuh bah di Beluru enggau lapan di Marudi.

Advertisement