Anda di sini

BTS2020 mujur diatur ba SMK Kabong

Advertisement
 Nembiak SMK Kabong ti udah nerima baucher bantu tumu sekula ari Palan Servis ADUN N40 Kabong sereta Gerempung Pengintu Pengelantang Ex-Nembiak Kolej Tanjung Lobang Miri.
GAGA ATI: Nembiak SMK Kabong ti udah nerima baucher bantu tumu sekula ari Palan Servis ADUN N40 Kabong sereta Gerempung Pengintu Pengelantang Ex-Nembiak Kolej Tanjung Lobang Miri.

KABONG: Palan Servis Kaban Kunsil Nengeri (ADUN) N40 Kabong begulai enggau Gerempung Pengintu Pengelantang Ex-Nembiak Kolej Tanjung Lobang Miri udah ngatur program ‘Back To School’ (BTS2020), kemari.

Program tu udah mungkur penyereta 100 iku nembiak ari Sekula Sekondari (SMK) Kabong.

Ba pengerami nya, Palan Servis ADUN N40 sereta Gerempung Pengintu Pengelantang Ex-Nembiak Kolej Tanjung Labong Miri udah nyuaka pemeri baucher ngagai nembiak nya.

Bisi 100 iku nembiak sekula nya bisi nerima pemeri baucher beungkus RM70 siku ba pengerami nya.

Pengawa nyuaka baucher nya udah dipenyadika Kaban Kunsil Nengeri (ADUN) Kabong, Mohd Chee Kadir.

Ba jaku pesan pandak iya maya pengerami nya, Mohd Chee ngarapka, pemeri nya ulih ngurangka mimit tating nyendiaka perengka tumu sekula ngagai raban penerima bauchar.

“Kami ngarapka nengah pemeri tu, nya ulih diguna enggau memanah kelebih agi ke guna ungkup perengka sekula anak,” ku Mohd Che.

Pengerami nya diatur ba D’Akasya Homestay, Kabong.

Sama bisi datai ba pengerami iya nya Mandal Presiden Gerempung Pengintu Pengelantang Ex-Nembiak Kolej Tanjung Lobang Miri, Hajah Rosnani Haji Yunus, Principal SMK Kabong, Ramli Saruji,  Yang DiPertua Gerempung Apai Indai enggau Pengajar (PIBG) SMK Kabong, Laksamana Bakar, ketuai komuniti sereta apai indai nembiak ti nyereta.

Advertisement