Anda di sini

Kes Petronas dipechara kena 3-5 Februari

Advertisement
 Malik lebuh dikerandau raban pengarang berita ba Lobi Kort Kuching, kemari. — Gambar Roystein Emmor
MAYA BECHARA UDAH DITETAPKA: Malik lebuh dikerandau raban pengarang berita ba Lobi Kort Kuching, kemari. — Gambar Roystein Emmor

KUCHING: Kort Tinggi kemari netapka 3 ngagai 5 Februari ke deka datai nyadi haribulan pechara kes Petronas ti minta akim mansik ngambika nginsil ‘Notis Penilaian’ ti mungkur urung RM1.3 bilion ba Chukai Nyual Nengeri (SST).

Akim Azhahari Kamal Ramli mega netapka 27 Januari tu maya nyerahka dokumen kededua ari Petronas enggau perintah nengeri.

Nitihku siku ari luyar ti ngarika Petronas, Datuk Malik Imtiaz Sarwar, Kontroler SST nadai ngembuan bidang kuasa enggau ngaga pengilap undang-undang dalam ngemansutka notis chukai nyual ngagai kompeni nya.

Terang iya, sida nadai kuasa dalam ordinan chukai nyual, kelimpah ari enda ulih minta neritka chukai nyual ba produk petroleum.

“Perintah nengeri madah sida ulih minta chukai petroleum.

“Tang, Petronas arap bendar undang-undang nadai ngemendarka chukai nya dipejalaika pengudah meda baru pekara nya ba konstitusyen enggau undang-undang bukai ti relevan,” terang iya ngagai pengarang berita maya dikerandau ba Lobi Kort Kuching kemari.

“Nya alai kami ngelaban ‘Notis Penilaian’ nya lalu nyema kami ba endur ke amat, notis nya deka dikinsil enggau nadai peminta deka dipinta ngagai Petronas,” ku iya.

Sama ngarika Petronas dalam kes sama tu iya nya luyar Alvin Yong.

Kena 10 Disember 2019, Kort Tinggi meri pemendar ngagai kompeni minyak nasional nya ngambika minta akim mansik dikena nginsil ‘Notis Penilaian’ nya.

Kort Tinggi dalam pekara tu mega meri pemendar ngagai Petronas minta akim mansik  dikena ngenukuka sekeda seksyen dalam Ordinan Chukai Nyual Nengeri Sarawak nyadi ‘ultra vires’ ngagai Konstitusyen Perintah Besai.

Advertisement