KUCHING: Pengerami bejadika ‘MAMAPRENEUR in Education Roadshow’ udah mujur diatur ba ABC Co- Meeting Space Sibu ditu, bedau lama udah.
Pengerami nya dipenyadi Menteri Muda Pengintu Pengelantang Pendiau, Komuniti, Orang Indu, Ruang Bilik enggau Pemansang Anak Mit, Datuk Francis Harden Hollis.
Bejaku ba pengerami nya, Francis meri terima kasih ngagai Private Education Entrepreneur Association of Malaysia (PEEAM) Laban ku iya, organisasyen tu udah mujur ngatur program ti muka runding raban indai ngaul diri dalam dagang bepelasarka pelajar.
“ ku ngarap pengawa ke baka tu diteruska agi dikena mantu raban indu kelebih agi bala indai dikena ngulihka penatai pemisi sida sereta nyungkak tikas sosio ekonomi sida,”ku iya.
Bisi 30 orang indu baka raban indai ari kandang menua nya enggau ba pengerami nya. Bala pengelicha ti dikangau bekunsi pemujur pengawa sida nyadi indai sereta mega orang bedagang iya nya Ex- Prinsipal Sekula Sekondari (SMK) Chung Hua Sibu enggau SMK St Patrick Mukah, Tham Yoh Yin ti meri licha pasal ‘Being a mama and running a business’ enggau penengkebang Ace Business Capital Sdn Bhd, Janice Ting ke mega pengemeran Eduwis Kindergarten.
Sama bisi enggau nyadi pengelicha iya nya bakih pengatur pengawa ari Ong Group of Company, Agnes Wong ti ngemeranka firma akauntan enggau penyanding penemu chukaiti bejuraika ‘Empowering the beautiful YOU’.