MUKAH: Raban bepenatai pemisi baruh (B40) patut dibantu ari sukut perengkaguna genturung pendiau.
Menteri Pengintu Pengelantang Pendiau Komuniti,Orang Indu, Ruang Bilik enggau Pemansang Anak Mit, Dato Sri Fatimah Abdullah madah, kelimpah ari perengkaguna ai, elekterik, pelajar enggau pekara bukai,ke guna perengkaguna genturung pendiau mega dalam rintai nya ti nyadi siti perengkguna ke beguna.
“Raban B40 tu kelebih agi rebak biak mega patut diberi perati,” ku iya maya Program Licha Berumah ari baruh Perbadanan Pembangunan Perumahan (HDC) di Stadium Perpaduan Dalat kena Hari Satu.
Ku iya, nya sebagi ari program perintah nengeri ti dikedeka raban nya nyengkaum Pelilih Dalat ke enda mega ditinggal.
Ku iya, kelimpah Program Rumah Rayat Seranta (PPRT) enggau Program Ngemanahka Rumah sereta Skim Ngemesaika Genturung Pendiau iya nya tebal agi sida ti seranta ti nadai pemisi,perintah mega enda ninggalka raban B40 tu.
“Dikearap nengah licha tu, mayuh agi orang nemu sereta meri timbal ke positif lalu pengawa ke patut deka dipejalaika,” ku iya nerang.
Urung 600 iku orang ke datai ngulu licha ari HDC nya ti datai ari peranak kandang menua Dalat enggau Oya.
Ba program nya, sida diberi licha ari HDC sentang program berumah enggau randau tanya.
Sama bisi datai iya nya Ketuai Eksekutif HDC Mohamad Asman Ahmad, Menijar Besai Mutiara Morgage Sdn. Bhd. Shaharomy Mat Nor sereta Pemesai Pelilih Dalat Kueh Lei Poh.