Anda di sini

Enam buah sekula ba empat Bagi Menua di Sarawak ampuh bah

 Jalai nuju Rh Panjang Kejemut, Skrang enggau Rh Panjang Tembong di  Engkilili enda ulih ditengah kerita.
ENDA ULIH DITENGAH: Jalai nuju Rh Panjang Kejemut, Skrang enggau Rh Panjang Tembong di Engkilili enda ulih ditengah kerita.

KUCHING: Enam buah sekula ba empat Bagi Menua di Sarawak udah ampuh bah ketegal ujan bangat berengkah lemai ensanus nyentuk ke malam.

Komiti Mutarka Penusah Ngenyit Nengeri (JPBN), madahka Opis Pelajar Sarawak (JPNS) bisi m adahka enam buah sekual ke ampuh bah  iya nya SK Tabut Lubok Antu (Sri Aman), SK Merambut (Limbang), SK Lunying, Sebuyau (Samarahan), SK Sg Kelabit, SK Pengarah Entri enggau SK Sungai Bong di Miri.

Ketagal ujan bangat ensanus, ikas ai niki entara  0.5meter nyentuk 1meter.

Nadah pengawa mindah dipejalaika laban sekula sekula nya tutup ketegal kemisi ujung taun.

Berebak enggau nya, Opis Penyaga Pengelikun Mensia Mayuh (APM) Pampang Betong kemari madah, sida udah nganjung raban ngambika ngemata gaya ampuh bah di  Engkilili ke alai diberitaka tiga jalai nuju Rh Panjang Kejemut, Skrang enggau Rh Panjang Tembong di  Engkilili ke penyauh  200 meter enda ulih ditengah kerita.  

Rumah Panjang Kejemut diuan 65 iku lalu Rh Panjang Tembong diuan 70 iku. Naka ke diatu, pengawa mindahka sida enda dipejalaika.

Opis Pengemata Gaya Hari Malaysia(JMM) bisi mansutjka jaku tangkan ke alai ujan bangat dipelabaka deka nyadi berengkah ari kemari nyentuk ke 5 Disember ke deka meri empas ngagai bagi menua Kuching,  Serian, Samarahan, Sri Aman, Betong, Sarikei enggau Mukah.