Anda di sini

Sekula di Sarawak agi mayuh kurang perengkaguna

Advertisement
 Fatimah (tiga kiba) nyuaka setipikit ngagai siku nembiak sekula.
TERIMA MIH: Fatimah (tiga kiba) nyuaka setipikit ngagai siku nembiak sekula.

MUKAH: Agi mayuh perengkaguna deka diguna ba sekula di Sarawak kelebih agi di menua pesisir.

Menteri Pengelantang Pendiau Komuniti enggau Orang Indu, Ruang Bilik enggau Pemansang Anak Mit, Dato Sri Fatimah Abdullah madah, pekara ke pemadu beguna deka dikemeratka dulu tang pekara ti dikenudi tetap deka dipejalaika.

“Kitai sama nemu Sarawak diatu kurang nerima agih belanja ari perintah besai ungkup sekula, ke alai diatu bepanggai ba perintah nengeri,” ku iya lebuh ke bejaku ba Pengerami ‘Anugerah Kecemerlangan Murid enggau Apresiasi Tamat Prasekolah’ Sekolah Kebangsaan (SK) St Kevin, Dalat ti diatur ba Dewan Mayuhguna Sungai (Sg) Kut Muara Dalat kena Hari Satu tu tadi.

Peda perengka ke diguna ba SK St Kevin, mengkang mayuh deka diguna dikena nen tuka pengelantang nembiak, pengajar enggau staf sekula.

Bisi empat peminta dirintaika lalu dua ari nya dipeda ulih digaga dulu iya nya ngaga dinding dewan enggau mutarka tebing sungai ke tusur.

Berebak enggau nya, Fatimah ngemendarka pengawa ngaga dinding dewan ke beungkus RM30,000 lalu projek dinding nagang tanah tusur ari baruh Perambu Tranformasyen Menua Pesisir (RTP) taun 2020 ke beungkus RM300,000 mega deka dipejalaika.

Dulu aru nya, perengkagubna bukai ke bisi dipinta iya jalai endur bedarat ari buding, dewan enggau ari jelatung ke begunan sekula sereta ngaga jelatung kedua.

Bekaul enggau pengerami anugerah enggau Apresiasi, Fatimah madahka tetiap pemujur ke diulih bala nembiak patut dikerami sekula enggau apai indai.

Sekalika nya pemujur dalam bidang akademik tauka kokurikulum.

Bisi 21 iku nembiak Primari Enam enggau 15 iku nembiak prasekula dirami maya program nya.

Advertisement