KUCHING: Sarawak Energy udah ngelancharka Minggu Pengerai, Pengelikun enggau Rampa Menua (HSE) di Menara Sarawak Energy ditu, kemari.
Pengerami nya digulu ikon Pengelikun Malaysia, Tan Sri Lee Lam Thye ke dikangau nyadi pengelicha.
Lee ng enataika pesan sentang pemesai guna budaya pengelikun ba endur gawa, sereta ngemeratka komitmen nuju bedaya pengelikun ba pengawa ninting hari ti beguna amat ungkup staf Sarawak Energy.
"Pemereti ke manah agi sentang pengelikun ba endur gawa ngenauka isu ny a dikunsi sereta diputarka.
" Enti kitai ngaga sesebengkah utai sereta nukar ngagai pengawa dikerindu,nya deka nyadika pengering." ku iya sereta muji budaya pengelikun ba palan kereja Sarawak Energy.
Sama bisi datai, pengatur pengawa kanan Sarawak Energy enggau temuai bukai ke dikangau ngagai pengerami nya.
Sarawak Energy mega mantaika slogan budaya HSE iya nya “Access, Comply and Empower” tauka ACE dikena neritka prinsip pengelikun ba raban orang ke kereja.
Berebak enggau nya, ketuai Pemesai Eksekutif Tim Sarawak Energy, Datu Sharbini Suhaili lebuh ke bejaku madahka ngemeratka pengawa ti beguna ke belama dikena ngemeranka budaya pengelikun.
Ku iya, pekereja patut bejejimat ari risiko pengelikun lalu baka ni sida ulih mutarka lalu ngelala sereta ngurangka riisiko ti ngenusahka sida.
" Ketuka pengilap laban nya tau meri penusah ngagai diri empu enggau orang bukai,"ku iya
Sharbini mega ngelalau pengereja pengawa Sarawak Energy patut nitihka Atur Nyelamat Nyawa Sarawak Energy 11 (LSR) nyengkaum seruran ngena 'safety belt' dalam kerita sereta enda ngena telefon binching maya deriba.
Aktiviti ke bukai maya Minggu HSE nyengkaum licha sentang HSE enggau kempen meri darah
Pemandang kereban enggau operasyen pengelikun mega dibuka ngagai sida ke bisi datai.