KUCHING: Petroliam Nasional Berhad (Petronas) agi dalam pengawa berunding enggau kededua perintah nengeri enggau besai bekaul bayar chukai jual nengeri (SST) produk petroleum.
Chairman Petronas, Datuk Ahmad Nizam Salleh madahka, pengawa berundingka pekara nya benung dipejalaika.
"Kami benung berunding, agi berunding.
"Petronas agi berunding enggau perintah nengeri sereta perintah besai. Dalam progress," ku iya lebuh dikerandau raban pemberita pasal Perintah Sarawak deka ngena undang-undang nyema Peteonas enda mayar chukai jual nengeri produk petroleum ngagai nengeri tu.Dulu ari nya iya datai ba pengerami bejadika Petrosains Playsmart Kuching ba Dewan Suarah Kuching ditu, sehari tu.
Nambahka Ahmad lebuh ditanya kemaya aum entara perintah besai, nengeri enggau PETRONAS deka diatur baru, iya madahka, pekara nya bepanggai ba perintah besai.
"Kami nyerahka nya ngagai perintah besai," ku iya nyaut enggau pandak.
Taja pia ku Ahmad, Petronas tetap nempa kerejasama rat enggau Perintah Sarawak.
"Tang ikas kaul kami enggau nengeri tu, kami Petronas enggau perintah nengeri nempa kerejasama rat," ku iya madah ngagai raban pemberita.