Anda di sini

Kad ungkup orang tuai di Sarawak ditumbuh bulan Januari 2020

Advertisement
Fatimah disempulang dua  menteri muda iya Rosey Yunus (kiba)  enggau Datuk Francis Harden Hollis (kanan)  sereta pegawai iya datai ba Aum DUN sehari tu. - Gambar Chimon Upon
Fatimah disempulang dua menteri muda iya Rosey Yunus (kiba) enggau Datuk Francis Harden Hollis (kanan) sereta pegawai iya datai ba Aum DUN sehari tu. - Gambar Chimon Upon

Dikarang Rengenyan Labang 

KUCHING: Kenyalang Gold Card (KGC) ditumbuhka ungkup orang tuai di Sarawak ba bulan Januari 2020.

Menteri Pengintu Pengelantang Pendiau, Pengelantang Raban Bansa enggau Orang Indu, Ruang Bilik enggau Pemansang Nembiak Mit, Dato Sri Fatimah Abdullah madahka nya dikena nyikap nengeri tu betapi enggau pemar bekaul enggau raban bansa tuai (ageing society).

"Opis menteri deka numbuhka siti kad ti dikelala enggau nama Kenyalang Gold Card (KGC) ungkup orang tuai Sarawak ba bulan Januari 2020.

"Objektif KGC iya nya dikena ngangkat tauka nambahka pemaik enggau pengelantang pendiau orang tuai di Sarawak nengah pengawa nyendiaka perengka guna enggau penguntung ngena chara diskaun, rebat enggau kebukai ari mayuh organisasyen enggau sektor komersial," ku iya seraya madah nya mega dikena nempa raban bansa ti penyayau enggau meri pulai baru ngagai raban bansa.

Fatimah madahka pekara nya lebuh ti nyimpul jurai Opis Menteri Pengintu Pengelantang Pendiau, Pengelantang Raban Bansa enggau Orang Indu, Ruang Bilik enggau Pemansang Nembiak Mit ba Aum Ke-2 Penggal Ke-4 Kunsil Nengeri (DUN) Sarawak Ke-18 ba Kompleks DUN ditu, sehari tu. 

Dulu ari nya iya madahka isu tuai tauka menua tuai isu ti patut dikemeratka laban bepelasarka pemayuh tubuh mensia, Malaysia deka nyadi menua tuai (ageing nation) lebuh manggai 2030 ke alai bisi 15 peratus ari pemayuh mensia iya nya orang tuai.

"Sarawak mega dipelabaka bisi 16 peratus orang tuai lebuh manggai taun 2030," ku iya.

Advertisement