SIBU: Bajet 2020 ti dibantaika Perintah Pakatan Harapan (PH), dipeda enda enggau ati bebendar meri ungkup belanja ngagai Sarawak.
Tu dipadahka Chairman Parti Sa’Ati Rakyat Sarawak (SUPP) Dudong, Wong Ching Yong lebuh ke meri licha politik iya ba rumah iya di Bukit Lima di sini malam ensanus.
“Taja pan Sarawak nerima agih pemansang ke besai agi, Universiti Malaysia Sarawak (UNIMAS) semina nerima geran RM17,469,900 ba taun 2020.
“Dibanding enggau taun 2019 ti nerima RM42,275,000, pengurang penyampau RM24,805,100 ngarika penurun 58 peratus dalam ungkup duit turu,” ku iya.
Wong, siku akauntan madahka Universiti Malaysia Sabah (UMS) nerima RM43 juta ba taun 2020 dibanding enggau RM28 juta ke diterima ba taun 2019 ke alai ungkup belanja nya ngarika penambah153 peratus.
“Semina UNIMAS universiti perintah di Sarawak ke rasmi ditumbuhka kena 24 Disember 1992 ba penuduk 236 di QS Asian University Rankings.
“Penyampau ke berejista iya nya urung 18,000,” ku iya.
Wong ti deka dichalun nyadi chalun ba Pengawa Bepilih Nengeri tu ila madah, perintah PH mesti nerang ngagai rayat Sarawak nama kebuah duit turu pelajar ungkup UNIMAS ba taun 2020 n genyit dikurangka.