Anda di sini

Mayuh agi raban SAR di gunung, gua deka ditumbuhka

Advertisement

KUCHING: Opis Bomba enggau Penyelamat Malaysia(JBPM) merambu deka numbuhka mayuh agi raban ngiga enggau nyelamat (SAR) ba gunung enggau gua dikena bejejaga maya napi penusah ngenyit ti nyadi ba kandang endur nya.

Ketuai Direktor JBPM Datuk Muhammad Hamdan Wahid madah, maya tu bisi seraban tim ngiga enggau nyelamat gunung (Mosar)di Gunung Kinabalu, Sabah.

Ku iya, opis bomba udah nyiri 40 iku ‘malim’ gunung nyadi pemesai mantu ungkup Mosar di Sabah laban sida udah teleba enggau Gunung Kinabalu, pia mega bisi nerima elawin sereta perengka dikena nyaga tubuh diri.

Udah tu, kami merambu deka numbuhka tim Mosar di Semenanjung Malaysia iya nya ba kandang menua ke bisi aktiviti niki gunung enggau palan ngelantangka ati baka di Kuala Tahan, Pahang.

Kami deka nitih penegap runding ke sama iya nya baka ke dipejalaika di Sabah enggau nyiri malim gun ung nyadi pemesai mantu, ku iya madah ngagai pemberita pengudah bejadika program ngangkatka penyulut ungkup zon enggau ketuai penusah angus di Sarawak, Sabah enggau Labuan ditu, kemari.  

Muhammad Hamdan madah opis nya mega merambu deka numbuhka raban ngiga enggau nyelamat di Taman Negara Mulu, Sarawak.

Kami andal nengah latih sereta pengelandik ke betul, raban ke bakatu ulih bejalaika pengawa enggau landik agi.

Kitai enda ulih nyemaka raban nya (Mosar) nyadi raban ke nyelamat mensia mayuh laban pengelandik sida lebih ngagai pekara ke diguna ba bejalaika pengawa nyelamat di gua, ku iya.

Iya madah bisi dua raban nyelamat ba gua di Semenanjung ti bepalan ba Perak enggau Pahang, lalu raban nyelamat di Mulu deka ditumbuh enda lama agi. — Bernama

Advertisement