Anda di sini

JPBN udah nyikap diri napi Monsun Timur Laut ujung taun tu

Advertisement
 Uggah nyadi chairman aum JPBN (Monsun Timur Laut) di Kuching kemari.
BAUM: Uggah nyadi chairman aum JPBN (Monsun Timur Laut) di Kuching kemari.

KUCHING: Komiti Mutar Penusah Ngenyit Nengeri (JPBN) Sarawak diatu udah nyikap diri napi Monsun Timur Laut nengah 14,970 iku pemesai enggau raban ari mayuh bengkah ejensi di nengeri tu.

Ku komiti nya, ejensi ke enggau nya baka Angkatan Tentera Malaysia (ATM),  Polis Diraja Malaysia (PDRM), Bomba, Opis Pengerai Nengeri Sarawak (JKNS), Angkatan Pertahanan Awam (APM), Opis Volunteer Malaysia (RELA) enggau Opis Pengelantang Pendiau Nengeri Sarawak (JKMNS).

“Ari sukut logistik,tiga helikopter, lima (dron) , 211 (lori),  500 (keita 4WD), 291 (bot) dan 111 (ambulan)  disediaka.

“Berebak enggau nya, 622 palan ngenduh sementara ti muat endur 195,825 iku disediaka di serata  bagi menua nengeri tu,” ku iya nengah penerang media kemari.

Ku JPBN Sarawak, Opis Pengelantang Pendiau Raban Bansa (JKM) bela nyendiaka ‘pangkalan hadapan’ ba 16 kandang menua baka di Kuching (2), Kapit (4), Bintulu (3) enggau Miri (7).

“Ungkup Stor enggau Depot,  bisi ba tiga kandang menua baka dba Indu POpis JKM Kuching, Samarahan enggau Miri ke alai 154 pemekal di serata nengeri Sarawak disedia ngambika nyikap diri napi musim monsun laut timur ke dijangka nyadi November 2019 nyentuk Mac taun baru,” ku iya.

Nitihka  pelaba gaya hari di Bintulu enggau Miri, JPBN Sarawak madah, dia dijangka nerima penyampau ujan entara 300 mm ngagai 500 mm ba bulan November enggau Disember.

“Bagi Menua Sri Aman, Sarikei, Mukah enggau Sibu dijangka nerima penyampau ujan antara 400 mm ngagai 550 mm ba bulan Disember enggau Januari.

“Ba bulan Januari enggau Februari,Bagi Menua Kuching, Samarahan enggau Serian dijangka nerima penyampau ujan ti tinggi antara 400 mm ngagai 800 mm,” ku iya.

Diatu ku penerang tu,menua benung napi ubah monsun ke dijangka nyadi nyentuk tengah November.

“Maya ke diatu, penyadi ujan bangat enggau biau balai   dalam timpuh pandak enggau kabut balat suah nyadi muak ke lemai enggau pun malam ba sekeda bagi menua  di Sarawak kelebih agi di Bagi Menua Kuching, Samarahan, Serian, Sri Aman, Betong, Sarikei, Sibu, Mukah, Kapit enggau Bintulu,” ku iya,

Berebak enggau nya, Uggah ke nyadi chairman aum JPBN Sarawak , madahka diri deka beratika sekeda isu ke bekaul mutarka penusah ngenyit lalu ngambi atur ke patut begulai enggau ejensi ke bekaul.  

“Nya dikena nentuka raban pengatur penusah ba semua renggat lanchar bejalaika pengawa magang, “ ku iya.

Aum kemari nya berandauka napi, musim monsun timur laut  dalam bulan November 2019 nyentuk Mac 2020 ti tau ngujungka haya ujan monsun nyadi di srata nengri keleb ih agi di bagi tengah enggau barat Sarawak.

Pengudah aum nya mega diatur pengawa nyuaka 3,000 iti sengkabung idung AirPlus Smart Mask enggau 200 iti AirPlus Micro Ventilators ngagai APM Negeri Sarawak ti disuaka Uggah.

Nya pemeri ari Temasek Foundation International CLG Limited melalui Sarawak Trade and Tourism Office Singapore (STATOS).

Advertisement