Anda di sini

263 iku Posmen Komuniti mujur dilatih di Sarawak

 Bong (lima kiba), Adiman (tujuh kanan), Abang Sardon (enam kanan) enggau bala staf Pos Malaysia ke bulai deka melah kek dikena ngerami Hari Pos Sedunya 2019 Renggat Sarawak, kemari.
MELAH KEK: Bong (lima kiba), Adiman (tujuh kanan), Abang Sardon (enam kanan) enggau bala staf Pos Malaysia ke bulai deka melah kek dikena ngerami Hari Pos Sedunya 2019 Renggat Sarawak, kemari.

KUCHING: Program Transformasyen Servis Pos di Sabah enggau Sarawak mujur ngelatih 263 orang Posmen Komuniti di nengeri tu nyentuk ke diatu, pia ku Direktor Kaunsil Komunikasyen enggau Multimedia Malaysia (SKMM) Sarawak, Adiman Ajem.

Ku iya, program nya diatu ba Fasa ke-4 mega udah mujur nempa  96 pengari pos komuniti enggau semilan buah kerita Pos-On-Wheels.

“Tu mandangka komitmen SKMM ngemansang sereta ngerembaika servis pos kelebih agi di menua pesisir,” ku iya madah maya Ngintu Pengerami Hari Pos Sedunya 2019 Renggat   Sarawak ditu, kemari.

Sama bisi datai, Direktor Opis Pemadah Sarawak Abang Sardon Abang Hashim enggau Pengurus Pos Malaysia Berhad Sarawak Bong Tung Hui.

Posmen komuniti ti ditumbuhka kenyau ari taun 2010 di nengeri tu betuju ngelatih perranak nengeri tu ngambika nemu agi pasal menua sida empu baka, ketuai genturung pendiau, komiti  genturung, orang bukai enggai pinta ngembuan lisin mutosikal, ti ngemudahka sida nganjung pos.

Sida ke dipilih opis Pos Malaysia deka nerima elawin nin ting bulan nengah Opis Menteri Komunikasiyen enggau Multimedia Malaysia sepenyampau RM500 sebulan.

Pos Malaysia Berhad diberi SKMM li isin, ke nyaga lalu ngatur industri servis pos nyilih Opis Servis Pos ba taun 2001.

Ba pengerami nya Adiman mega lalu ngelancharka produk pemadu baru Pos Malaysia uta nya ‘Send Parcel’, siti platform nganjung poslaju nengah ‘online’.

“Nengah rega ke pemadu manah, ngambi enda bebayar, bonus kredit enggau mayuh agi pemanah bukai , Send Parcel nya nemban amat enggau guna E-Dagang diatu,” ku iya. — Bernama