Anda di sini

MBM deka ngatur pengawa munaska denggi

Advertisement
ADAM YII
ADAM YII

MIRI: Majlis Bandaraya Miri (MBM) deka ngatur pengawa munaska denggi enggau naka ulih dikena mutarka penusah nya ti ngenyit nambah lalu ngemeratka dua kandang genturung pendiau ke napi penyakit ti ulih nabanka nyawa nya.

Datuk Bandar Miri Adam Yii Siew Sang madah, opis iya udah numbuhka Raban Virus Denggi kena 16 Ogos tu tadi mutarka penanggul nya nyengkaum meresi kandang rumah ba Taman Tunku enggau Tudan ti napi penyakit nya.  

Kimpin pengawa beripai meresi Taman Tunku udah dipejalaika kena 7 September tu tadi lalu pengawa meresi parit ba endur nya benung dipejalaika, ku iya ba siti penerang kemari.

Nyadi ke tambah, ku iya MCC deka bejalaika pengawa beripai besai di Tudan dalam timpuh ke semak enggau ngemeratka ngagai mutarka penusah Denggi ba endur nya.

Kemari Direktor Pengerai Sarawak Dr Jamilah Hashim madah siku lelaki beumur 68 taun ari Taman Tunku udah nadai ketegal penyakit denggi kena 22 September pengudah iya dianjung ngagai sepital laban ‘Severe Dengue With Multiorgan Failure’.

Iya madah sekumbang bulan Januari ngagai 5 Oktober ba taun tu, sepenyampau 248 iti kes penyakit denggi dirikodka di Miri dibanding 30 iti kes  dalam timpuh ke sama ba taun nyin kemari iya nya niki 726.7 peratus. — Bernama

Advertisement