Anda di sini

20 ruang bilik diau ba tanah pendam SDNU deka dipindah

Advertisement
 Bala temuai begambar begulai enggau Uggah.
NYADI KENANG: Bala temuai begambar begulai enggau Uggah.

KUCHING: Duapuluh ari 63 ruang bilik ti diau ba tanah pendam SDNU Jalai Chawan ditu udah dikelala sereta deka dipindah ngagai Batu Gong, Siburan.

Sapit Kepala Menteri, Datuk Amar Douglas Uggah Embas madahka perintah nengeri diatu ari ngiga palan pengentap bukai ke engkeman endur mindahka sida.   

“Kepala Menteri Datuk Patinggi Abang Johari madah, dikena ngepun kitai ngemendarka sida dipindah ngagai Batu Gong dalam kandang menua Siburan semak ditu. Kami mega benung beratika pilih bukai baka rumah ungkus murah,” ku Uggah lebuh tiga iku tuai rumah Iban enggau kaban JKKK nemuai meri basa ngagai iya kemari.  

Raban nya betuaikaTuai Rumah Adi Jaya, Tuai Rumah Ajun Lasu enggau Tuai Rumah Moses Iba Dagang ari Taman Malihah enggau Taman Alamanda.

“Kami deka nemu nama batang kebuah sida ke bukai nya milih enggai dipindah,” ku iya.

“Aku bisi dipadah ke alai bisi sekeda nya kereja ba kilang ke semak enggau endur nya lalu anak sida besekula ba sekula ke semak dia.”

“Lalu penanggul belanja mega siti ari kebuah. Tang palan ke alai sida diau diatu nya tanah pendam ke diempu Gerempung Bansa Dayak Sarawak (SDNU).”

“Lalu pendam nya ukai alai ke meruan endur diau sereta ngemesaika anak sida ungkup timpuh panjai. Aku ngarapka bala ketuai komuniti majak ngumbuk sida ngambika dipindah ngagai endur baru,” ku Uggah.

Berebak enggau nya, Uggahke mega Menteri Betanam Betupi Moden, Tanah Adat enggau Pemansang Kandang Menua meri langgur penemu ngambika komun iti Dayak di mengeri ngena tanah puang ba laman rumah sida alai betanam nengah chara moden baka sistem dertigasyen enggau hidroponik.

Ku iya sistem nya enda begunaka ruang ke besai tauka begunaka mayuh orang ngereja.

“Kita tau nanam chabi, sayur asal tauka lia laban tu bisi peminta ke manah. Sida ke indu dikearap tau nyaup lalu ngaul diri ba aktiviti industri kotej. Semua tu ulih nambahka penatai pemisi,” ku iya.

Ku iya baru, perintah bisi perambu deka numbuhka taman agro di Samarahan lalu otrang bekebun ke bisi ati tau nyuwa plot nya alai betanam.

Ku iya, sesapa ke bisi ati tau betanya sentang bantu enggau sekeda pekara bukai ngagai Opis Betanam Betupi.  

Berebak enggau nya, Tuai Rumah Adi lebuh ke be jaku m adahka ketuai komuniti Iban Kuching berasai gaga amat ati enggau iring ari Uggah.

Iya udah mandangka diri siku ketuai ti pemadu kemerah ti amat siruka pengelantang pendiau sida.

Ku Tuai Rumah Adi baru, tuju penemuai basa sida nya laban deka ngangauka Uggah nyadi temuai ti dipebasa ba dua bengkah pengerami makai lemai ngulihka belanja ke diatur kena 25 Oktober enggau 8 November.

Advertisement