Anda di sini

Urung 100 iku mensia mayuh ngulu program Merdeka@Komuniti di Sarikei

 Entara sida ti udah datai ngulu program tu.
MERI SUKUNG: Entara sida ti udah datai ngulu program tu.

SARIKEI: Urung 100 penyereta udah ngulu program Merdeka@Komuniti di Sarikei ti udah diatur Opis Penerang Pelilih  Sarikei ba Balai Perpaduan ditu kena Hari Tiga tu tadi.

Pemesai Opis Penerang Pelilih Sarikei Joseph James madahka aktiviti ti diatur nya sebagi ari program dikena ngintu Bulan Kebangsaan.

Entara batang tuju program tu iya nya dikena ngenegapka runding talukka menua dalam komuniti di kandang menua tu sereta mega dikena ngingatka raban nembiak pengeransing ketuai dulu suba dalam ngetanka menua ari kena pegai kuasa menua luar.

Kelimpah ari nya, tu mega nyadi pelasar madah ngagai mensia mayuh bekaul polisi enggau program perintah ti meri pemaik ngagai komuniti.

Entara aktiviti ti udah diatur iya nya pekit nyura ungkup nembiak mit enggau licha pelajar ti dibai pengelicha ke dikangau ari mayuh macham ejensi perintah.