Anda di sini

SEB mujur ngatur randau sentang pemansang pemadu baru HEP Baleh

 Jiwari (duduk empat kiba) enggau Nyuruk (duduk lima kiri) begambar enggau orang ke bisi pemerat sereta staf  Sarawak Energy.
NEGAPKA KAUL: Jiwari (duduk empat kiba) enggau Nyuruk (duduk lima kiri) begambar enggau orang ke bisi pemerat sereta staf Sarawak Energy.

KAPIT: Sarawak Energy udah ngatur randau sereta meri penerang ditu dikena ngemaruka penemu bala pemesai perintah enggau ketuai raban bansa sentang inisiatif beranakka puku ba komuniti, aktiviti begulai enggau komuniti sereta pemansang ke pemadu baru Projek Tekad Hidro (HEP) Baleh.

Sesi randau sereta meri penerang nya sebagi ari  pengawa Sarawak Energy dikena nentuka orang ke bisi pemerat di Balleh enggau Kapit  ke nerima empas ketegal HEP Balehm di padah sentang projek nya.

Sarawak Energy ba penerang iya madah, sesi tu tampung komitmen Sarawak Energy ti ngemeranka chara ke pemadu manah ba renggat antarabansa dikena ngemansangka kuasa hidro, ti udah dipejalaika kenyau ari taun 2012.

Residen Kapit, Nyurak Keti enggau Menijar Besai Tanggungpengawa Sosial Korporat enggau Pengerembai Pemansang Sarawak Energy, Jiwari Abdullah.

Ba sesi nya, Sarawak Energy bekunsika pemansang ke diatu HEP Baleh sereta berandauka aktiviti ke diatu enggau inisiatif beranakka puku ba komuniti di Baleh enggau Kapit.

“Komuniti ti dikaul nya endang nitihka ‘Protokal Penilaian Kemampanan Kuasa Hidro (HSAP)’ nengah chara ke pemadu manah ngaduka juluk ati enggau peragam ari orang ke bisi pemerat ba pekara nya.

“Kami enda putus kaul enggau orang ke bisi pemerat enggau kami dikena nentuka penemu sereta  pengirau ati sida dirikod sereta diperundingka,” ku Jiwari.

Berebak enggau nya, Nyurak madahka pengawa  meri penerang ari Sarawak Energy nya platform ke pemadu manah dikena ngiga chara mutarka sebana ti pemadu engkeman ungkup ari komuniti menua nya.

Iya mega madahka pemesai reti randau kolektif sentang sekeda isu ke bekaul enggau budaya sereta pesaka asal,utai ke dituntut enggau pampas tanah ngagai komuniti ke kena empas nya.

Penerang ari Sarawak Energy nya dikenataika Direktor  Projek, Ir Tan Hang Kiak, Menijar Pengerembai Kaul Komuniti Baleh, Jantai Maseng enggau Menijar Bagi Pengerembai Kaul Komuniti, Augustine Supen Taja.