KUCHING: Bisi 890 buah sekula ba 17 pelilih menua di Sarawak ditutup kemari ketegal sebun asap, nambah lapan pelilih menua dibandingka enggau ensanus.
Opis Pelajar Nengeri ba penerang ti dpansutka,nya mungkur 104 sekula sekondari 705 sekula primari enggau 252,237 iku nembiak sekula.
Kelimpah Betong, Bau, Kuching, Lubok Antu, Padawan, Samarahan, Sri Aman, Lundu enggau Kanowit kemari, pelilih menua baru ke bisi nutup kemari iya nya Saratok, Simunjan, Kanowit, Maradong, Sibu, Sarikei, Julau enggau Daro.
Naka pukul 6 pagi kemari, lima pelilih menua ditu ngerikod kualiti angin ke majak kamah ke alai bacha IPU mandangka bacha pemadu kamah.
Tu nyengkaum Kuching enggau bacha IPU 269, Samarahan (229), Sibu (231), Sarikei (221) sereta Sri Aman (207).
Lima pelilih menua ngerikodka bacha IPU kamah iya nya Bintulu (145), Mukah (190), Miri (114), ILP Miri (106) enggau Samalaju (127).
Ku Ketuai Sekretariat JPBN, Mejar Ismail Mahedin sepenyampau 17 titik angat ditemu di nengeri tu iya nya dua di Betong, Sri Aman (2), Belaga (1), Julau (1), Marudi (5), Pakan (1), Song (2) lalu Tatau (3).
Bacha IPU antara 0 ngagai 50 dikategorika manah, 51 nyentuk 100 (jelan pemeresi), 101 nyentuk 200 (kamah), 201 nyentuk 300 (kelalu kamah) lalu 300 tau ngeruga pengerai. — Bernama