Anda di sini

298 sekula ditutup di Sarawak ketegal sebun asap ensanus

KUCHING: Bisi 298 sekula ba lapan pelilih menua di Sarawak di tutup kemari ketegal sebun asap lalu Sri Aman ngerikodka kualiti pengamah angin ti tau ngeruga pengerai.

Opis Pelajar Nengeri ba sebengkah penerang, madahka nya mungkur 53 sekula sekondari enggau 245 sekula primari di Betong, Bau, Kuching, Lubok Antu, Padawan, Samarahan, Sri Aman enggau Lundu.

Bisi 128,291 iku nembiak enda besekula ketegal sekula ditutup kemari, ku penerang nya.

Kualiti angin di Sri Aman ngenyit manggai ba ikas ke tau ngeruga pengerai lebuh ti ngerikodka bacha Indeks Pengamah Angin (IPU) 352 pukul 6 pagi lalu niki ngagai 365 dua jam udah nya, dibanding enggau 214 ke dirikod kena 12 tengah malam, ensanus.

Ketuai Sekretariat Komiti Mutar Penusah Ngenyit Sarawak, Mejar Ismail Mahedin ari Opis Penyaga Pengelikun Mensia Mayuh Malaysia (APM) nengeri madah, naka pukul 8 pagi, Kuching ngerikod bacha IPU balat kamah iya nya 219, dibanding enggau 215, dua jam sebedau nya.

Ku iya lapan pelilih menua mengkang ngerikod bacha IPU kamah iya nya Samarahan (160), Sarikei (148), Sibu (166), Bintulu (129), Mukah (140), Samalaju (113), ILP Miri (107) dan Miri (126). — Bernama