Anda di sini

Lebih 3,000 datai meda Konsert Orchestra RTM ‘Kitak Nang Steady’

 Toh Puan Raghad (tengah) begambar begulai enggau bala temuai dipebasa sereta artis enggau pemuzik ti merindang kena malam Hari Mingu nyin tadi.
KE ALBUM: Toh Puan Raghad (tengah) begambar begulai enggau bala temuai dipebasa sereta artis enggau pemuzik ti merindang kena malam Hari Mingu nyin tadi.

KUCHING: Lebih 3,000 iku datai meda Konsert Orkestra RTM ‘Kitak Nang Steady’ ke diatur ba Dewan Tunku Abdul Rahman DeTAR Putra di Universiti Malaysia Sarawak (UNIMAS) Kota Samarahan, kena malam Hari Minggu nyin tadi.

Konsert tu nyadi ‘Siri Jelajah Orkestra RTM’ lalu Sarawak nyadi palan keterubah endur ngatur progran nya sebedau Pulau Pinang, Johor enggau Sabah.

Konsert ke berengkah pukul 8.30 malam nya dikemujurka sepuluh iku artis tebilang menua tu ke begempung enggau 36 pemuzik sereta dua iku konduktor ari orkestra RTM Kuala Lumpur, dibantu pemuzik Kombo RTM Kuching.

Antara artis ke bisi merindang iya nya Dato’ Jamal Abdillah, Datin Alyah, Dayang Nurfaizah, Misha Omar, Amir Jahari, Deja Moss, Sarah Suhairi enggau Melissa Francis.

Program tu diatur ngambika meri peluang ngagai peranak Sarawak meda kediri empu Orkestra ke mega nyadi chara dikena ngenyemakka RTM enggau mensia mayuh.

Sekeda temuai ke bisi datai meda konsert tu iya bta bini Tuai Megai Menua (TYT) Sarawak Datuk Patinggi Raghad Kurdi Taib, Menteri Komunikasyen enggau Multimedia Malaysia Gobind Singh Deo, Sapit Menteri Komunikasyen, Multimedia Malaysia Eddin Syazlee Shith enggau Ketuai Direktor Opis Pemanchar Malaysia Abdul Muis Shefii.