BINTULU: Skim Alternatif Mekal Elekterik Ngagai Menua Pesisir (SARES) udah ngenyampatka pengawa mekal elekterik di Sarawak sereta udah meri penampak ngagai urung 5,000 buah ruang b ilik ba 192 buah genturung pendiau di ulu entigis Sarawak , pengudahka dilanchar dalam taun 2016.
SARES, innovatif kerejasama perintah – komuniti ti nguna chara kuasa tau dikena baru ‘off-grid’ dikena ngenampakka nengeri Sarawak ketebal agi komuniti di ulu entigis, sebengkah ari aktiviti ari baruh Pelin Besai, ke dipejalai sereta dipelanja Perintah Sarawak tauka Opis Menteri Utiliti Sarawak sereta dikemujurka Sarawak Energy.
Nengah SARES, ruang bilik ke jauh di ulu entigis dipelabaka deka disediaka solar tauka mikro-hidro dalam timpuh dua ngagai lima taun ti deka datai.
Bedau lama udah, SARES udah mekal elekterik ngagai 125 ruang bilik ari lapan buah rumah panjai di Tatau ditu, sereta nyendiaka peranak dia elekterik 24-jam.
Lapan buah rumah panjai nya baka Rumah Robert, Ng Segun (14 ruang bilik), Rumah Edwin, Ng Belungai (36 ruang bilik ), Rh Degom, Ng Puti (17 ruang bilik), Rumah Ta’a, Ng Seda (14 ruang bilik ), Rumah Linggie, Ng Sikit (19 ruang bilik), Rumah Paren, Sg Meruyau (9 ruang bilik ), Rumah Gerunsin, Sg Jambu (6 ruang bilik), Rumah Ghani, Batu Anap (10 ruang bilik ).
Pengawa nyerahka nya udah diatur ba Rumah Robert Ng Segun, Ulu Kakus, Tatau kena Hari Tiga (11 Sept) dikena ngingatka penembu sereta ngemendarka sistem kuasa solar, ti dipenyadika Menteri Muda Bekal Elekterik Menua Pesisir Sarawak, Datuk Liwan Lagang.
Di Bagi Menua Bintulu, SARES udah mekalka elekterik ngagai 39 buah genturung pendiau enggau rumah panjai di ulu entigis.
Manggai ba taun 2020, 102 ruang builik ari empat b uah rumah panjai deka bisi akses ngagai elekterik kuasa tau dikena baru 2 jam-nengah SARES.
Empat rumah panjai nya baka Rumah Lawai Ak Chukai, Sg Sujan, Rumah Nompang, Sg Sujan, Rumah Palos, Sebauh enggau Rumah Elwin Ugan, Sebauh.
Bejaku ba pengerami nya, Liwan madahka Pelin Besai Ngenyampalka Mekal Elekterik Ke Menua Pesisir ngembuan juluk deka meri bungkur elekterik penuh ngagai Sarawak manggai ba taun 2025 nengah bemacham strategi.
Ku iya, tu nyengkaum ngerembaika nengah c hara ngerembaika transmisyen enggau infrastruktur penyadung baka ngenerangka komuniti di ulu entigis nengah chara ‘off-grid ‘.
“Topis Menteri Utiliti enggau and Sarawak Energy majak bekerejasama dikena ngenyampatka pengawa ngena ungkup belanja sepenyampau RM2.37 bilion ti u dah dikemendarka ungkup taun 2019-2020, dikena ngenyampatka bungkur bekal karan menua pesisir manggai ngagai 97 peratus ba taun 2020 ti nuju mekal penuh elekterik manggai ba taun 2025,” ku iya.
Berebak enggau nya, Ketuai Pemesai Operasyen Sarawak Energy Group Lu Yew Hung lebuh ke ngenang pasal pengerami nya, madahka SARES ngaul komuniti berengkah ari perambu nyentuk ke dipejalaika.
Ku iya, tim SARES majak deka nyendiaka sukung teknikal enggau latih ngagai komuniti ti nambung bejalaika operayen enggau ngintu manah sistem.
“Enti bisi sebarang kereja berat ke diguna, tim nya deka dianjung mutarka isu sereta lalu nentuka peranak dia bisi bekal elekterik ke tegap.
“Komuniti ti jauh di ulu entigis tu kebendar iya deka disambung ngagai indu grid enti jalai alun udah digaga tauka dikemanah, tang ke diatu SARES nyendiaka sistem ke tau dikearap dikena nangkup guna ruang bilik di ulu entigis Sarawak” ku Lu.
Sama bisi datai maya nya, Menteri Muda ba Opis Kepala Menteri (Undang-Undang enggau Adat Bumiputera ) ke mega Kaban Kunsil Nengeri Kakus, Datuk John Sikie Tayai engau Menijar ungkup SARES Sarawak Energy, Christopher Wesley Ajan.